→ كل الوصفات

كبسة دجاج على طريقتي

طريقة عمل كبسة دجاج على طريقتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 كوب عيش (ارز) مغسول ومنقوع بملعقه خل ابيض وملح
  • دجاجة مقطعة حسب الرغبه
  • 2 جزر مبشور
  • 1 قرن فلفل اخضر حار مقطع قطع صغيره
  • 0.5 حبه فلفل اخضر بارد مقطع قطع صغيره
  • حبة بطاطا كبيرة مقطعه مربعات
  • 1 بصل كبيرة مقطع قطع صغيرة
  • 1 طماطم كبيرة مقطع قطع صغيرة
  • 4 فصوص ثوم مهروسين
  • 0.25 حبه زنجبيل مبشور
  • 2 ملعقة كبيرة معجون طماطم
  • 1 ملعقه كبيرة شطة كريستال
  • مكعبين ماجي دجاج قليل الملح
  • بهارات صحيحه
  • 1 دارسين أي قرفة
  • 2 قرنفل
  • 1 بهار النجمه
  • 3 هيل
  • فلفل اسود حب
  • 1 حبه لومي
  • ملح
  • فلفل اسود
  • بابريكا
  • كركم
  • كزبرة بودر
  • كاري
  • البهارات البودرة
  • صبغة زعفران
  1. نغسل الدجاج بالطريقه المعتادة لازالة الزفر وبعدها نتبله بكركم وكاري وبودرة لومي اسود
  2. نسخن الزيت في القدر ونقلي الدجاج عشان ياخذ لون ذهبي بس ماانخليه يستوي وبعدين نرفعه من الزيت وانحطه بصحن
  3. بنفس الزيت انحط البصل ونقلبه مع مكعب الماجي والثوم والزنجبيل لين تطلع ريحه الثوم وبعدها انحط البهارات البودرة ومعجون الطماطم ونحمس مدة ثلاث دقايق وبعدها نضيف الطماطم المقطع وشطة الكريستال ونحمس دقيقتين وبعدها انضيف الفلفل والجزر والبطاط ونحمس اشوي وانضيف الدجاج والبهارات الصحيحه ونحمس مده خمس دقايق تقريبا ونضيف كوب ماي ونخليه اقل من ربع ساعة مانبيه يستوي بس عشان تتجانس المكونات
  4. نشخل العيش(الارز) من الماي وانحطه على خلطه الدجاج ونقلبه اشوي اشوي عشان ماتتكسر حبات العيش(الارز)وانضيف ماي مغلي تكون الزيادة ١ سم عن مستوى العيش(الارز) ونخليه على نار عاليه مده ربع ساعه لين يغلي الماي وتصير مثل حفر بالعيش احنا انسميها(العيش دش بيوته)😂 تالي انحط تحته حديده وانقصر على النار لين ينشف العيش
  5. ويقدم مع دقوس او مرق خضار
  6. بالعافيه مقدما🌹
عجبتك الوصفة؟
شوف كل وصفاتنا في مكان واحد
كل الوصفات →