→ كل الوصفات

كبسة دجاج

طريقة عمل كبسة دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 8 قطع فراخ مقطعة
  • 3 كوب أرز بسمتي
  • ملعقة صلصة
  • 1 طماطم
  • 1 بصل
  • معلقة صغيرة كركم
  • معلقة صغيرة كاري
  • رشة كزبرة ناشفة
  • رشة قرفة
  • 4 فصوص حبهان
  • رشة بهارات
  • ملح
  • فلفل أسود
  • ماء للسلق
  • معلقتين سمنة
  • معلقتين زيت
  • رشة كمون
  1. نبشر البصلة ننزلها في السمنة لحد ما تذبل وتصفر و ننزل عليها قطع الفراخ المغسولة جيداً ونقلبها تتشوح مع البصل
  2. نبشر عليها الطماطم ونحط ملعقة الصلصة و كل التوابل ما عدا نص ملعقة الكركم و الزيت
  3. نقلبهم مع الفراخ كويس ونسيبها تتشرب من الخليط شوية و بعدين نضيفلها ماء كتير للسلق و نعلي النار ونسيبها تستوي
  4. ننقع الرز في ماء فاترة ثلث ساعة
  5. لما الفراخ تستوي نطلعها ونصفيها و نحطها في صينية ونحط عليها معلقتين الزيت ونص ملعقة الكركم ونقلبها فيهم
  6. نحط الصينيه في الفرن ونشغله تحت وفوق الشواية لحد ما تحمر وتأخذ لون حلو ونطفي
  7. نصفي الرز من الماء و نأخذ من الشوربة ٤ كوبايات ونص نسخنهم ونحط عليهم الرز و نضيف شوية ملح و لما يغلي نخفف خالص ونغطيه ونسيبه لحد ما يستوي مع التقليب كل شوية
  8. نغرف الرز ونحط فوقيه الفراخ المحمرة و بألف هنا
عجبتك الوصفة؟
شوف كل وصفاتنا في مكان واحد
كل الوصفات →