→ كل الوصفات
هذه الكبسة بطريقة امي الله يحفظها ..
المقادير
- صدور دجاج او دجاجه كامله (حسب الرغبه)
- رز (حسب الكمية المرغوب فيها)
- طماطم
- بصل
- فليفله
- بهارات و ملح
- ملعقه صغيرة هيل مطحون
- ليمون اسود (اذا الكمية كبيرة حبتين.. اذا صغيره حبه تكفي)
- زيت دوار الشمس
- ماء
طريقة التحضير
- نفرم الطماطم او نقطعه صغار
- نقطع البصل بشكل طولي ونقطع الفليفله مكعبات كبار
- نحمص البصل بالزيت الين يصير ذهبي ونحط عليه الفليفله شوي وبعدين الطماطم
- نحط عليهم الدجاج ونصب ماء لحد يوصل فوق الدجاج شوي
- نحط البهارات و الملح و الهيل و الليمون الاسود اول شي نكسر منه شوي وبعدين نحطه وياهم
- نخلي الدجاج يغلي على نار متوسطه لحد مايستوي
- بعد مايستوي الدجاج نطلعه من القدر و نغسل الرز عدل وبعدين نحطه في القدر
- اذا ماء اللي في القدر مو كافي للرز نزيده (لازم الماء يكون ارفع من الرز بشويه)
- نخلي الرز يغلي لحد ما ينضج وبعدين لما نشوف ان الماء قل واجد ننزل على النار و نحط الدجاج على الرز و نخليه الماء يتبخر من الرز عدل
- بالهناء والعافيه عليكم.. تراها لذيذه مررره 😍💕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد