→ كل الوصفات
طريقة عمل كبسة دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- صدر دجاج
- كاستين رز كبسة بسمتي
- 2 فليفلة خضرة
- بصلة كبيرة
- 4 بندورة
- معلقتين سمنة او زيت نباتي
- معلقة بهارات كبسة
- ملعقة كاري
- معلقة دبس فليفلة
- مكعبين ماجي
- رشة بهار
- رشة بهار ابيض
- رشة فلفل اسود
- بودرة زنجبيل
طريقة التحضير
- نفرم البصل ناعم والفليفلة الخضرا ومنقلين بشوية زيت او سمنة وبس دبلو شوي منضيف عليهن بندورة مفرومة ناعم
- ونضيف ملعقة دبس فليفلة وبهارالكبسة وكاري ومكعبين ماجي وربع كاس ماء لتتسبك الصوص وتستوي البصلة والبندورة
- ننقع الرز بماء ساخنة وملح ساعة بعدها منغسلو منيح ومنصفيه
- بعد ان ننقع الفروج بالماء وملح وخل نغسله ونقطعه مكعبات ونقليه بقليل من السمنة ومنرش عليه رشة بهار وبهار ابيض وفلفل اسود وزنجبيل بودرة ورشة فليفلة ناعمة
- بس استوى الصوص منضيف عليه الفروج منتركه يغلي غلوة وحدة بعدها منضيف الرز ومنحط 3 كاسات ماء
- نتركه على نار وسط مكشوف يغلي غلوة بس صار يبين الرز منحطو على نار خفيفة ومنغطيه نص ساعة ليستوي
- وصحتين وهنا
- ملاحظة كل كاسة رز بسمتي بدها كاسة ونص ماء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد