→ كل الوصفات
أسهل حاجه للعزومات
المقادير
- 2.5 كيلو صدور فراخ مخليه
- 3 كيلو ارز بسمتي
- 1/4 فلفل رومي
- حبتين طماطم
- ½ كيلو بصل
- 200 جرام مكسرات مشكل
- معلقتين كبار بهارات كبسه
- معلقه كبيرة ممسوحه فلفل اسود
- معلقه كبيرة كمون
- ½ معلقة بابريكا
- 3 حبات قرنفل
- ورقتين لاورا
- 3 فصوص حبهان
- كوب زيت
- معلقتين زبده
- ½ كيلو بسله
طريقة التحضير
- اول حاجه هنغسل الفراخ كويس جدا ونقطعها مكعبات صفيرة ونسيبها علي جنب وهنشيل منها حوالي التلت مش هنعمله مع الكبسه
- هنقطع بصلتين كبار قطع صغيره
- في زيت علي النار هنحط البصل ونقلبه لحد ما يدبل
- هنضيف الفراخ والبسلة مع البهارات للكبسه وفلفل وكمون وبابريكا وقرنفل وحبهان مع واحده فلفل رومي وواحدة طماطم متقطعين ومكعبين مرقة ونقلب كويس جدا
- بعد حوالي 10 د هننزل بالارز يكون مغسول ومتصفي علي الفراخ ونقلبه ونضيف الماء الساخن نفس معيار الارز العادي او ازيد شويه ونهدي النار بعد ما يتشرب الرز الميه
- في طاسه علي النار هنقطع بصلة واحده شرايح وننزل عليها بتلت الفراخ مع بهارات ملح وفلفل وكمون وواحدة فلفل رومي متقطعه ونقلبها لحد ما تنزل ميتها وتنشف
- معلقة زبده وهنحط فيها المكسرات والزبيب علي النار لحد ما تاخد لون أغمق
- الخطوة الأخيره بعد ما يستوي الارز هنفرده في صينيه كبيره ونضيف عليه الفراخ اللي عملناها بالبصل فوق الوش مع المكسرات والزبيب زي الصوره وبألفين هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد