→ كل الوصفات

كبسة فراخ

مرجانة

  • 1/2 ك فراخ وراك (4 اوراك)
  • 1 كوب و نص ارز بسمتي
  • 2 طماطم مبشورة
  • 1 بصلة مبشورة
  • 4 فصوص ثوم مفروم
  • رشة ملح
  • 1 كيس ماجي فورى
  • رشة فلفل اسمر
  • رشة بهارات
  • 2 حبهان
  • 2 قرنفل
  • 2 ورق لورا
  • 2 ليمون مجفف
  • رشة بابريكا
  • رشة كركم
  • رشة كاري
  1. تغسل الفراخ بالدقيق و الخل عشان نتخلص من الزفارة بتاعتها
  2. في حلة نحط معلقتين زيت و ملعقة سمنة ننزل بالبصل المبشور والثوم المفروم و نقلب لغاية م البصل يذبل
  3. ننزل بالفراخ واول لما تأخذ لون ذهبي نشيل الفراخ في طبق خارجى
  4. ننزل بالطماطم المبشورة و كل البهارات المذكورة ماعادا كيس الماجي و نقلب ٥ دقائق بعدين ننزل بالفراخ ثاني عليهم و نصب ٤ اكواب ماء (الفراخ هتشرب كباية تستوي بيها و ال ٣ اكواب التانيين للارز) واول لما الماء تغلى نخفف النار ونسيب الفراخ تستوي ٤٠ دقيقة
  5. وبعدين نشيل الفراخ في طبق خارجى و نعاير ٣ اكواب من الشوربة بعد م صفيناها عشان هنحتاجها في تسوية الارز و في نفس الحلة نحط ملعقة زيت ومعلقة سمنة و نشوح الارز دقيقتين و بعدين ننزل بالشوربة و اول لما الماء تغلى نحط كيس ماجي و نخفف النار بعد ٢٠ دقيقة نفتح و ننزل بالفراخ فوق الارز و نسيبه يكمل تسوية مع الفراخ ١٥ دقيقة و نطفى وبالهنا والشفا 😘
عجبتك الوصفة؟
شوف كل وصفاتنا في مكان واحد
كل الوصفات →