→ كل الوصفات

كبسه باللحمة

انا عارفه ان فيها سوسيس وان المفروض انها ماتكونش فيها سوسيس بس اولاد اخويا كانو عايزين حاجه بدل اللحمة مش اكتر 😂 #الشيف_الذهبي #اكلات_بالارز #عمايل_ايديا #وصفات_باللحم

  • 1/2 كيلو لحمة مسلوقه
  • 2 كوب من مرقه اللحمة اللي سلقناها وقابله للزيادة
  • 2 كوب رز بسمتي منقوع ومصفى
  • بصله كبيرة مقطعة جوليان أو حلقات
  • 2 م ك زيت زيتون
  • 1 عود قرفة
  • 4 قرنفل
  • م ص كركم
  • م ص كاري
  • ملح وفلفل حسب الرغبه
  • 1 مكعب ماجي
  • م ص كمون
  • م ص بهارات كبسة من العطار
  • 4 حبهان
  • رشه جوزه الطيب
  • 1 ليمون مجفف
  • م ك صلصة
  1. طبعاً هنسلق اللحمة في ماء مغلي بورق لورا وملح وفلفل وحبهان هتقعد حوالي ساعة او اكتر على حسب تسويه ممكن تخليها ساعة بس على اساس انها هتكمل تسويه اصلا مع الرز
  2. على جنب هنحط حله على نار نحط زيت الزيتون لانه بيدي لمعه حلوه للكبسه وبيخلي طعمها خفيف مش دسمه ونشوح البصل ولما يذبل شويه هنحط كل توابل ماعدا الليمون المجفف ونحط ملعقة كبيرة صلصة ومكعب ونقلب واول لما ريحتهم هتفوح هنحط اللحمة المسلوقه
  3. ونخلطهم ونحط مرقه لحد ربع الحله كده ولما تغلي هنكون صفينا الرز ونحطه في الحله ونخلطهم كويس ونحط باقي المرقه و الليمون المجفف ولو احتاجت هنحط باقي المرقه المهم تغطي رز ولما تتشرب هنوطي على النار ونسيبها تستوي مع تقليب من وقت لآخر وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →