→ كل الوصفات
طريقة عمل كبسه تركيه مع دجاج تركي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 اكواب رز, حبه طويله
- 1 دجاجة, او حسب اللي بدك اياه
- كوب جزر, مبروش, كميه منيحه
- 2 حبه بصل
- 1 فليفله حلوه
- 2 حبه ثوم
- 4 كوب ماء
- 0.5 كوب زيت مازولا, او اي نوم المهم زيت ذره
- فنجان قهوه خل
- قليل زيت زيتون
- 4 معالق كبار او 5 معالق معجون بندوره
- مكعب ماجي, مبروش
- ملعقه كبيره ملح
- رشه فلفل اسود
- كاري, حسب الرغبه بتحطي كميته
- البهارات السبعه, اذا موجوده
- 2 معلقه كبيره بابريكا
- 2 معلقه كبيره بهارات كبسه, بودره
- لوز, للتزيين
- لغسيل الدجاج
- لتر ماء
- فنجان خل
- ملح
طريقة التحضير
- بتنقعي الرز وبتغسلي الدجاج بالماء والملح والخل
- بتقطعي بصله جنحان رفيعه والبصله التانيه مكعبات زي السلطه
- بتقطعي الفليفله والثوم مكعبات
- بالخلاط : بتخلطي البصله اللي قطعتيها مكعبات مع الفليفله والثوم ونص كميه البهارات, البابريكا والكاري وبهارات الكبسه وبهارات السبعه, والخل وزيت المازولا والماجي والفلفل الاسود والملح ومعجون البندوره, لحد ما يصيرو صوص
- البصله الجنحان, بتشوحيها بزيت زيتون على النار, لحد ما يتصير ذهبيه. بعدين بتحطي الجزر عليها وبتحطي باقي البهارات وبتحركي لحتى يتذبلو ويتنكهو
- بتضيفي نص كميه الصوص او ثلث ارباعها وبتخليها خمس دقايق لحد ما يتخلط مع البصل والجزر
- بعدين بتضيفي الرز وبتصيري تقلبي بشكل خفيف عشان الرز ما يتكسر. وبعديها بشوي بتضيفي ماء ساخنه, لحد ما تغمر الرز
- الصوص اللي بضل, بتغمري الدجاج فيه وبتخلي الدجاج بالفرن تقريبا ساعه لحد ما يستوي. واذا ما كفى الصوص عادي اعملي واحد تاني بنفس المقادير
- بضلي تتفقدي الرز وبس تنشف الماء عنه بتحطي عليه زيت زيتون, او سمنه حسب اللي بتفضليه. وبتغطي بكيس بلاستيك لحد ما يستوي
- واذا زاد من الصوص ولو شوي حمسيه على النار لحد ما يطهى وخليه صوص عشان تأكليه مع الرز
- بتزيني باللوز. وهيك فينا نحكي, صحه وهنا
- 😽😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد