→ كل الوصفات
#وصفات_رمضان
المقادير
- 1 دجاجه
- 2 حبتين بصل (فرم ناعم محضره الطعام)
- قليل من زيت نباتي
- 4 جزرات كبار مبورشين
- ٢ عود قرفة
- ٢ لومي
- ٥ ورق لك غار
- ٥ حبات هيل
- ٥ حبات قرنفل
- ملعقة كبيرة ملح
- ملعقتين كبار بهار كبسه
- ١حبه كبيره بندوره مفرومة
- ملعقتين كبار معجون طماطم
- فلفل رومي حلو او فلفل أخضر حار
- ماء ساخن
- ٤ كاسات رز بسمتي
- لدقوس رح نحتاج
- حبتين بندوره صغار
- حبتين فلفل حار
- ٣ اسنان ثوم
- نصف كوب كزبره
- ملعقة كبيرة معجون طماطم
- ملح وخل وزيت نباتي
- ملعقة كبيرة معجون طماطم
- ربع ملعقة صغيرة كركم
- ملح وزيت نباتي او زيت زيتون
- قليل من مرقه الدجاج
طريقة التحضير
- بالطنجره حطيت زيت نباتي وحبتين صغار من البصل فرم ناعم بنقلب البصل مع الزيت النباتي واول ما اشوف البصل بلش يتذبل رح انزل لبهارات الصحيحه
- بضيف ٢ عود قرفة و٢ حبةلومي و٥ ورقات غار و٥ حبات هيل وقرنفل ورح أضيف الملح وبهارات الكبسه بنقلبهم مع بعض مده دقيقه
- بعديها بنزل الدجاج بنقلب الدجاج منيح مع البصل حتى ياخذ نكهه البصل بكون الغاز على الواطي حتى يشرب عندي الدجاج نكهه البصل بدون ما يحترق
- بنزل حبةكبيره من البندورة مفرومة على الفرامه او مكعبات صغيرة وملعقتين كبار من معجون الطماطم بقلبهم مع بعض شوي وبعديها رح انزل الفلفل الرومي الحلو مقطع مكعبات صغيرة او فلفل أخضر حار بقلب الدجاج حتى ياخذ نكهه التتبيله كلها
- بنزل ماء ساخن والغاز على العالي حتى يستوي الدجاج
- بشيل الدجاج لتحمير وبصفي المرقه بالمصفاه
- بطنجره الطبخ بفرم بصلة صغيرة ناعم و٣ اسنان ثوم برش بقلبهم بزيت نباتي ورح أضيف الجزر المبروش بقلبهم مع بعض حتى يستوي الجزر
- بضيف الأرز ورح احط حبتين لومي وعود قرفة ورح اضبت الملح وبضيف نصف ملعقة صغيرة بهارات كبسه وربع ملعقة صغيرة كركم بيعطي لون حلو الكبسه وبحرك الرز مع الجزر الغاز بيكون على العالي وبتضل الطنجره مكشوفه واول ما اشوف حبات الرز بلشت تطلع لفوق بخفف الغاز على النص واول ما اشوف الرز نزلت ميته بخفف الغاز على الاخر حتى يتشرب كل الماء
- تتبيله الدجاج ملعقة كبيرة معجون طماطم وربع ملعقة صغيرة كركم وملح وزيت نباتي او زيت زيتون وشويه مرقه دجاج بلفرشاه ندهن الدجاج من فوق وتحت وبندخله الفرن نشويه
- لعمل الدقوس نحتاج حبتين بندوره صغيرة وحبتين فلفل حار وثلاث فصوص ثوم وكزبره نصف كأس وملعقه كبيره معجون طماطم وملح وخل وزيت نباتي ورح افرمهم بالخلاط وبنزلهم بطنجره وبطبخهم غلوه واحدة. والدقوس بزبط بارد يعني بطحنه وبقدمها مع الكبسه
- ملاحظة بزبط نحط الرز على المرقه من غير ما نصفيها (الرز بيأخذ نكهه الصلصه الموجوده بالمرقه)
- وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد