→ كل الوصفات

كبسه لسان العصفور بالارانب👌

طريقة عمل كبسه لسان العصفور بالارانب👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • أرنب مقطع
  • باكيت لسان عصفور
  • 3 معالق سمن كبار او زبدة
  • معلقه صغيره كاري
  • ½ معلقه صغيره فلفل اسود
  • ½ معلقه صغيره توابل كبسه
  • ½ معلقه صغيره كركم
  • ملح حسب التذوق
  • بصله متوسطة متقطعه صغير
  • مية حسب الاحتياج
  1. حلة عالنار نسخنها كويس اوي هننزل معلقه كبيره سمن ونضيف البصله تتشوح هننزل بالارنب ياخد لون على الجانبين
  2. هنضيف الفلفل الأسود والكاري ونغطي الأرنب بالميه ونغطي عليه ونخليه على النار لما يستوي تسويه الا ربع
  3. في طاسه على النار هنضيف معلقتين كبار سمن ونحمر لسان العصفور حلو اوي هيكون الأرنب استوى
  4. هننزل باللسان العصفور عليه ونظبط الميه يادوب تكون مغطيهاهم ونضيف الكركم وبهارات الكبسه ونظبط الملح ونغطيهم ونهدي النار خالص تستوي
  5. بعد ١٠ دقايق هنقلبه ونغطيها تاني ونخليها على نار هاااديه اوي لما تكمل تسويه لسان العصفور ويبقى مفلفل زي الأرز تتقدم سخنة وبالهنا 👌👍
عجبتك الوصفة؟
شوف كل وصفاتنا في مكان واحد
كل الوصفات →