→ كل الوصفات

كبيس خيار ومقتا

#مونة #كبيس_خيار #مخلل دايما بحضر الكبيس بهالطريقة،اليوم كبستن وبس يتخللو بنزلكم النتيجة،بيقرشو قرش وغير شكل

  • 4 كيلو خيار شمسي النوع المفضل للكبيس
  • كيلو ونصف مقتا
  • ملح خشن
  • ملعقة طعام سكر غير ممتلئة
  • 1/4 كوب خل أبيض
  • ماء
  1. نغسل الخيار والمقتا الخيار صغار تركتهم متل ما هني بس المقتا كبار فقطعتن شقف
  2. بالنسبة للمحلول الملحي انا بعبي الخيار والمقتا بالمرطبان وبضيف علين الماي وهيك بكون حددت كمية الماي لبياخدوها علقد لا زايدة ولا ناقصة، برجع بصفي الماي بجاط وبحطلن ملح عفوشة البيضة،بضيف الملح الخشن فوق الماي وبدوبن وبحط البيضة بالماي بس تفوش متل ما مبين بالصورة يعني ملحن منيح ما بقا بدن واذا ما فاشت بضل ضيف ملح لتفوش وهيك بصيرو جاهزين برجع بضيف السكر والخل فوق الماي بحركن وبضيفن فوق الخيار وبسكر المرطبان بس يستوو بصيرو جاهزين للاكل وقرشتن غير شكل
  3. عادة ما بحب ضيف خل للكبيس بفضلن عالماي والملح والسكر بس هالمرة حطيت كمية قليلة من الخل الابيض
عجبتك الوصفة؟
شوف كل وصفاتنا في مكان واحد
كل الوصفات →