→ كل الوصفات
#حلويات_الشتاء 🥶 سهلة وسريعة مع كباية شاي او نسكافيه في الجو دا يمي يمي 😋
المقادير
- 2 بيض بدرجة حرارة الغرفه
- 1/2 كوي سكر
- 1/2 كوب زيت نباتي
- 1/2 كوب عصير برتقال فريش
- كوب و3/4 دقيق منخول
- معلقه كبيره بيكنج بودر
- معلقه كبيره بشر برتقال
- 1 ظرف فانيليا برتقال دريم
- رشة ملح
- 1/2 معلقه صغيره اسانس برتقال (اختياري)
- زبيب منقوع ومتصفي
- فروته مسكره الوان
- للوجه
- فروته الوان
- شربات او مربى مشمش
- جوز هند
طريقة التحضير
- اول حاجه ننقع الزبيب في شويه مياه عاديه ونتركها على جنب - نشغل الفرن على ١٧٠ درجه - ونعصر البرتقال (٢كبار) وباخد بشر البرتقال بتاعهم ببشرهم ناعم
- نبدأ في عمل الكيك.. في الخلاط نضع (البيض + السكر + الفانيليا + رشة الملح) ونضربهم لحد ما يفتح لونه
- ثم ننزل بالزيت ونخلط - ثم ننزل بعصير البرتقال + اسانس البرتقال + جزء من بشر البرتقال ونخلط
- وفي وعاء اخر ننخل الدقيق + البيكنج بودر ونخلطهم بالمعلقه سوا كويس
- ثم ننزل عليه (بالزبيب المتصفي + والفروته الوان + باقي بشر البرتقال) ونخلطهم سوا مع الدقيق
- ثك ننزل بالخليط السائل ونخلطهم كويس بالمضرب السلك وهنا الخليط بيكون تقيل الي حد ما زي خليط كيك الزبدة كده وهو المطلوب
- بنجيب قالب الكب كيك ونضع ورق الزبدة ونضع في كل كب معلقتين بمعلقه الطعام العاديه بحيث يكون الخليط اكبر من النص بشويه
- وعلى الوجه ممكن نضع الفروته على معظم الكب ونترك الباقي ساده هنزينه بعد التسويه (ونضغط على الفروته بالراحه بايدنا علشان تمسك فيها ومتقعش اثناء التسويه)
- تدخل فرن سابق التسخين على ١٧٠ درجه لمده من ١٥ : ٢٠ دقيقه ونختبرها بخله اسنان ونطلعها من القالب على طول ونتركها على جنب تبرد تماما
- ونزين الكب كيك الساده بجيب شوية شربات او مربى مشمش وندهن وجه الكب بفرشة ونضع عليه رشة جوز هند بجد يمي جداً كيك طالع زي الانجلش كيك والزبيب والفروته مسقتطش عبشان خليط الكيك مظبوط.. مع ريحة الكيك بالبرتقال اللي بتدفي في الشتا 🍊🍊وبالف هنا 😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد