→ كل الوصفات
اسهل واسرع حلو ممكن تعمليه ليكي ولأولادك 👏
المقادير
- كوب وربع دقيق منخول
- 1/4 كوب كاكاو خام دريم منخول
- 1/2 كوب زيت
- 1/2 كوب لبن
- 3/4 كوب سكر
- 2 بيضه بدرجه حرارة الغرفه
- معلقه صغيره بيكنج بودر
- معلقه صغيره فانيليا
- رشه ملح
- 11 مكعب شكولاته
طريقة التحضير
- بنجيب خلاط او بالمضرب الكهرباء ونحط فيه البيض والفانيليا والسكر ونخلط كتير لحد ما الخليط لونه يفتح وبعدين ننزل بالزيت واحده واحده وبعدها اللبن ونخلط ورشه ملح
- ونجيب بوله وننخل الدقيق والكاكاو ونحط البيكنج بودر ونخلطهم كويس وننزل بيهم علي الخليط السابق ونقلب بالمضرب السلك ونكون محضرين قوالب الكب كيك وندهنها سمنه علي زيت ورشه دقيق وكاكاو
- ونحط معلقه من الخليط وبعدها نحط مكعب الشكولاته في النص ونحط عليها معلقه من الخليط ونحط اكتر من نص بشويه وممكن نرش علي الوش شوكلت شيبس ونحط كل قوالب الكب كيك في صينيه
- وندخلها فرن سابق التسخين علي ١٧٠ درجه وبتقعد ربع ساعه وبعد ما نختبرها بخله انها استوت نطفي الفرن ونسيبها شويه جوه الفرن منخرجهاش علي طول (علشان متهبطش) وبعد ما تبرد نرش عليها سكر بودر والف هنا 🧁😋والكميه دي عملتي ١١ كب كيك 👏
- وفي مره تاني عملته وحشيتو نوتيلا سايله وذوقتها بشوكلت شيبس حبيت اورهلكم بردو تاخدو افكار 🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد