→ كل الوصفات

كب كيك بعصير البرتقال الجاهز 😋❤️🍊

كب كيك هش وخفيف👌🏻 وبجد عصير البرتقال🍊 الجاهز اضاف للكب كيك طعم حلو أوي أول مرة أضيف عصير البرتقال الجاهز للكيك بس طلع تحفة جربية أكيد هيعجبك جداً 😍❤️

  • 2 كوب دقيق
  • 1 كوب سكر
  • 1 كوب عصير برتقال جاهز
  • 2 بيضة
  • 2 كيس فانيليا دريم بنكهة البرتقال
  • 1/2 كوب زيت ذرة
  • 1 ملعقة كبيرة بيكنج بودر
  1. أولاً جيبي طبق غويط وحوطي فية الدقيق والبيكنج بودر وقلبيهم مع بعض كويس وياريت أنخلي الدقيق عشان الكب كيك يكون هش وخفيف معاكي 😍
  2. جيبي الخلاط الكهربائي وحوطي فية البيض والسكر والفانيليا والزيت وعصير البرتقال الجاهز أنا استخدمت عصير جهينه ممكن تستخدمي النوع إللي بتحبية وأخلطيهم مع بعض كويس جداً 😍
  3. ضيفي الخليط السائل الموجود في الخلاط على الدقيق وقلبيهم مع بعض كويس بمضرب سلك يدوي 😍
  4. جيبي صينية الكب كيك وحوطي فيها ورق الكب كيك وبعد كدة وزعي فيها خليط الكيك بس املية نصفة فقط عشان هيرتفع معاكي في الفرن وبعد كدة دخلي الصينية الفرن على درجة حرارة 180 لمدة 20 دقيقة تقريباً ولما يستوي خرجيه من الفرن وسيبيه يبرد 😍
  5. قدمي الكب كيك بعد كدة لأطفالك وإنتي كمان متنسيش نفسك بواحدة مع فنجان شاي☕ واستمتعي بالطعم التحفه بجد حلو أوي جربيه وشوفي الجمال وبالعافية عليكي حبيبتي 😘❤️🌹
  6. 😋😋😋😋😋😋😋😋
  7. ملحوظة :لو مش عايزة تعملي كب كيك ممكن تعملي خليط الكيك فى صينية عادية وهتكون كيكة بالبرتقال حلوه جداً 👌🏻😍🤩
عجبتك الوصفة؟
شوف كل وصفاتنا في مكان واحد
كل الوصفات →