→ كل الوصفات

كب كيك 🧁

طريقة عمل كب كيك 🧁 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب وربع دقيق
  • 1/2 كوب زبدة أو زبدة على زيت
  • 3/4 كوب سكر
  • 2 بيضة
  • 1/2 كوب لبن
  • 1 م ص بيكنج بودر
  • 1 م ص فانيليا
  • رشة ملح
  • 1/2 كوب كريم شانتيه خام
  • كوب لبن مثلج
  • 2 م ك سكر بودر
  1. في بولة ننخل الدقيق والبيكنج بودر والملح ونقلبهم ونسيبهم على جنب
  2. في بولة عميقة نضيف الزبدة والسكر ونضرب المضرب حتى يتحول الخليط الي ملمس كريمي
  3. نضيف البيض بيضة بيضة ثم الفانيليا ونخلط جيداً
  4. نضع جزء من الدقيق ونضرب حتى يختفي ثم جزء من اللبن ونضرب ثم الدقيق ثم اللبن لحد ما الكمية تخلص (على ٣ مرات) ونضرب حتى الخليط يتجانس ونصبه في قوالب الكب كيك وعلى فرن ساخن على درجة حرارة ١٨٠ نص ساعة ونتابعه
  5. نحط السكر عالكريم شانتيه ونقلبهم ثم نضيف اللبن ونضرب ٥ دقائق على سرعة عالية حتى يتضاعف الكريم شانتيه ثم نضيف اللون (اختياري) ونحطه في الثلاجة. ونستني الكب كيك يبرد خالص ونزينه
  6. ممكن نضيف عالكريم شانتيه ملعقة قشطة أو جبنة كريمي أو زبدة بدرجة حرارة الغرفة أو جميع ما سبق 😋😋😋 بس منكترش جبنة كريمي عشان هتخلي الكريم شانتيه سايب ومش هيتشكل معانا ❤️
  7. لازم كل مكونات الكيك تبقي بدرجة حرارة الغرفة بتفرق جداً في نجاح الكيك
عجبتك الوصفة؟
شوف كل وصفاتنا في مكان واحد
كل الوصفات →