→ كل الوصفات

كحك العيد الناعم 👌🏻😍

#حلويات_العيد

  • كيلو دقيق
  • 1/2 كيلو سمنه بلدي ومعلقتين كبار
  • م ك ريحة الكحك مش مليانه ع متمررش
  • م ك خميره فوريه
  • رشةملح
  • م ك سكر
  • معلقة ونص كبيره سمسم
  • 1/2 كوب ماء دافي
  • للتزيين
  • 2 كوب سكر ناعم
  • 1/2 كوب نشا
  • م ص فانيليا
  1. نص كوب الماء الدافي هنزل علية الخميره والسكر واقلب واسيبه يخمر
  2. علي النار هقدح السمنه كويس جدا وارمي فيها نص لمونه وهي بتتقدح علي النار
  3. في طبق العجين هحط الدقيق وعليه نترة الملح واقلب واعمل حفره واضع السمسم وانزل بالسمنه من علي النار واحطها علي السمسم والدقيق السمسم هيتحمص من سخونية السمنه واقلب بمعلقة خشب لحد ما العجين يبرد وابس الخليط معايا كتير كل ما تبسيه بايدك الدقيق بيتشرب السمنه جدا وده الي بيديله النعومه واول ما يبرد انزل بالخميره الي هي نص كوباية المايه واعجنه كويس واسيبه يخمر نص ساعه وابتدي اشكله
  4. مكنش عندي منقاش ولا بصامة كحك معرفتش انزل من الحظر عملته بالشوكه وطلع حلو اوي وفي كل كحكاية حطيت بندق وسيبته نص ساعه وبعدين خبزته علي نار هاديه عشان يستوي كويس واول ما ياخد اللون الذهبي اخرجه من الفرن ومشلتوش من الصواني غير لما برد عشان ميتفرفتش مني
  5. وزوقته بسكر البودره الي ضايفه عليه النشا والفانيليا عشان الكحك ميشربش السكر ويفضل بشكله ورصصته في علبه جواها كيس بلاستك وبالف هنا
عجبتك الوصفة؟
شوف كل وصفاتنا في مكان واحد
كل الوصفات →