→ كل الوصفات

كحك العيد بالسمن المقدوح

طريقة عمل كحك العيد بالسمن المقدوح سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو دقيق
  • معلقتين كبار سمسم
  • كوب سمنة
  • معلقتين زبدة أو سمنة
  • معلقة صغيرة خميرة
  • رشة ملح
  • فانيليا
  • 0.5 كوب لبن دافي
  • سكر بودرة
  1. نسخن الفرن و نحط كباية السمنة مع المعلقتين الإضافيتين على النار يتقدحوا
  2. نحط السمسم و رشة الملح على الدقيق ونقلبهم
  3. نحط ملعقة الخميرة على نصف كوب اللبن و الفانيليا و نقلب ونسيبهم يتفاعلوا
  4. لما السمنة تسخن جامد وتطلع دخان تكون إتقدحت نصبها على الدقيق و نقلب عليه كله بسرعة علشان كله يتشربه كويس و نسيبه يهدى
  5. بعد ما يهدى نحط عليه اللبن ونعجن كويس هاتبقى عجينة متماسكة و نبدأ نشكل كور و ننقشها
  6. نرصهم في صينية و ندخلهم فرن متوسط الحرارة لحد ما يستووا ونفتح الشواية يحمروا من فوق
  7. نطلعهم ولما يهدوا نرش عليهم سكر بودرة
عجبتك الوصفة؟
شوف كل وصفاتنا في مكان واحد
كل الوصفات →