→ كل الوصفات
طريقة بسيطة وسهلة لعمل كحك العيد بالعجوة😍 مقاديرها بسيطة للمبتدئين في المطبخ ممكن تضاعفي المقادير بعد كدة لو الطريقة عجبتك وممكن تحشي الكحك باللملبن أو المكسرات أو تسيبه سادة وتشكليه زي ما تحبي جربي كحك العيد بالطريقة دي هيعجبك جداً 👌🏻🤗❤️
المقادير
- 3 كوب دقيق
- 2 ملعقة كبيرة سكر
- 2 ملعقة كبيرة حليب بودرة
- 2 ملعقة كبيرة سمسم
- 1 ملعقة صغيرة بيكنج بودر
- 1 كوب سمنة مذابة
- 1/2 كوب ماء
- رشة صغيرة من الملح
- 1/4 كيلو عجوة (تمر)لحشوة الكحك
طريقة التحضير
- أولاً جيبي طبق عميق وحوطي فية الدقيق والبيكنج بودر والسكر والحليب البودرة ورشة الملح والسمسم وقلبيهم مع بعض كويس جداً 😍
- ضيفي بعد كدة السمنه وقلبي كل المكونات مع بعض لحد لما السمنة تغلف كل حبيبات الدقيق وبعد كدة أعجني بإيدك حبة وبعد كدة ضيفي الماء وقلبي كل المكونات مع بعض لحد لما تتكون معاكي عجينة ملساء ممكن تشكليها بإيدك بعد كدة 😍
- قسمي العجينة بعد كدة الي كرات صغيرة متساوية في الحجم وخودي كرة من العجين واحشيها بالعجوة وكوريها تاني وحوطيها في صينية مدهونة بالزيت واعملي كل كرات العجين بالشكل ده وزي ما قلتلك ممكن تحشية بالمكسرات أو الملبن أو سيبية سادة براحتك وشكلية زي ما تحبي وبعد كدة رشي عليه سكر بودرة 😍
- ادهني وجة الكحك بالحليب ورشي عليه سمسم دي خطوة اختياري بس لو عايزة ترشي عليه سكر بودرة ممكن تدخليه الفرن عادي بعد كدة من غير ما تدهني حليب وتحوطي سمسم براحتك حسب ذوقك وبعد كدة دخلي الصينية الفرن على درجة حرارة 180 لمدة 20 دقيقه تقريباً ولما يستوي خرجية من الفرن وسيبية يبرد خالص 😍
- قدمي الكحك بعد كدة في طبق التقديم لكل أفراد أسرتك في الأعياد والمناسبات والتجمعات العائلية بجد حلو أوي جربيه متأكدة انه هيعجبك 🤗👌🏻❤️
- 😋😋😋😋😋😋👌🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد