→ كل الوصفات

كحك العيد دايب و لذيذ و ساده بدون حشو

#حلويات_العيد

  • 2 كيلو دقيق
  • 3 ملاعق لبن بودره
  • 3 ملاعق كبار نشا
  • كيلو سمن بلدي سايحه و مقدوحه
  • 3 معالق كبار خميره فوريه
  • كوب لبن دافي او ماء للعجن
  • 3 معالق صغيره ريحة كحك من العطار
  • 3 معالق كبيره سمسم ابيض
  • كوب الا ربع سكر بودر
  • رشة ملح
  1. نقدح السمنه و ننخل الدقيق و نضيف عليه السمسم و الملح و اللبن البودر و السكر ريحة الكحك
  2. نضيف ربه كوب لبن للخميره و معلقتين السكر و ندوبه و نسيبها علي جنب
  3. نقلب المكونات الجافه و نعمل زي حفره في النص و ننزل بالسمنه و هي سخنه نقلب بالمعلقه الخشب عشان حراره السمنه
  4. لما تهدا خالص نفركها براحة اليد و نبسها عشان كل الدقيق يشرب السمنه
  5. ننزل بالخميره و نعجن و نضيف الميه الدافيه او اللبن بس مش كتير
  6. نجرب نعمل كوره من العجين لو مفيهاش تشققات يبقي كده العجينه جهرت و ممكن نبدا التشكيل
  7. نغطي العجين بفوطه نضيفه و نعمل كور و نشكلها بمنقاش الكحك و نشغل الفرن قبل ما نبدأ تشكيل و اقل حاجه ربع ساعة
  8. ندخله الفرن لمدة عشر دقائق او ربع ساعه لحد ما ياخد لون و لما يبرد نشيله في علبه و نحط السكر البودر علي وشه عند التقديم و عيدكم مبارك باذن الله
عجبتك الوصفة؟
شوف كل وصفاتنا في مكان واحد
كل الوصفات →