→ كل الوصفات

كحك العيد من ام رانسي👌

على الطريقه القديمة طريقه والدتى رحمها الله له طعم مميز ولذيذ لايقاوم ..

  • كيلو دقيق مخصص للكحك والبسكويت
  • 550 جرام سمنه بلدى
  • 2 ملعقه كبيره ريحة كحك
  • خميره بيره بحجم عين الجمل
  • كوب الأربع ماء دافئ
  • ملعقتين طعام سكر
  • سمسم حسب الرغبه
  • رشه ملح
  1. نقدح السمن عالاخر وفى هذه الأثناء ننخل الدقيق أكثر من مرة ونضع عليه السمسم وريحه الكحك ورشه الملح
  2. نقوم بسكب السمن المقدوح عليه ونقلب بمعلقه خشبيه لحد مالدقيق يشرب السمن
  3. لما يهدى شويه أقوم ببسه بإيدى وفركه مع بعضه لمده ربع ساعه كل لما اتبس أكتر كل ما نعم زياده
  4. ونحط الخميره والسكر بالماء الدافئ ونسيبه يتفاعل شويه وبعدين احطه عالعجين ممكن اخد نص الكوب فقط وليس كله لان كتر السوائل بتنشف العجين
  5. ونشكلها وننقشها بالشكل إللى تحبيه ونرصها فالصوانى المدهونه بسمن ونسيبها تخمر ساعه وبعدين تدخل الفرن ع 180من تحت بس ولما تستوى ممكن افتح الشوايه بسيييط للون خفيف فقط
  6. يزين بالسكر البودرة عند التقديم
  7. ملحوظه..ممكن نحشيه عجميه او ملبن اوعجوة او مكسرات حسب الرغبه..وكل سنه وانتم طيبين
عجبتك الوصفة؟
شوف كل وصفاتنا في مكان واحد
كل الوصفات →