→ كل الوصفات

كحك العيد

#حلويات_العيد

  • كيلو دقيق لجميع الاغراض
  • 2 كوب ونص سمنة سايحة
  • 4 معالق كبار سمسم محمص
  • 1 معلقة كبيرة ريحة الكحك
  • 2 معلقة كبيرة سكر بودر
  • رشة ملح
  • كيس بيكنج بودر
  • كوب ماء فاتر او لبن
  • الحشو
  • عجوة
  • ملبن
  • عجمية
  • مكسرات
  1. اول حاجة بنسخن السمنة على النار لحد ماتسخن وعشان نتاكد انها سخنت بنحط شوية سمسم صغنونين جداااااا لو طلعوا فوق الوجه يبقى كدة السمنة سخنت جداً تاني حاجة بقي بجيب بولة كبيرة بحط الدقيق وبحط عليه السمسم وبقلبهم مع بعض وبعدين بعمل حفرة صغيرة في النص وبنزل بالسمنة براحة خالص وبعدين بمعلقة خشب بقلب كله مع بعض وبعدين استني العجينة تبرد وابدء الم العجينة باأيدي واخلي الدقيق يتشرب من السمنة وبعد كدة احط ريحة الكحك والسكر البودرة والبيكنج بودر ورشة الملح واعجن كله مع بعض واخر حاجة انزل بالماء
  2. ابدء اقلب العجينة مااعجنهاش وبعد مااتاكد ان السوايل اختلطت مع العجين ببدء اجهز الصواني او الصجات وبعدين اخد حتت عجين وابدء اعملها كورة صغيرة واعملها بالشكل الى يناسبني ولو في عندي حشوة ابدء اخد حتت عجين واعملها كورة واجوفها من جوة واحط الحشوة والم الكورة وابططها واعملها بالمنقاش او البصامة
  3. بعد مااخلص كل العجينة بتاعتي ابدء اشغل الفرن على درجة حرارة 180 يسخن لمدة ربع ساعة وبعدين احط الصجات لمدة ثلث ساعة وكل فرن يختلف وبعد ماياخد لون بني فاتح من تحت اشغل الشواية ياخذ لون بسيط ونقفل عليه واسيبة يبرد خاااااااااااااااااالص وبعدين ابدء احطة في اطباق تقديم واخد جزء منة وارش عليه سكر بودر والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →