→ كل الوصفات

كحك العيد 🌙😍

#حلويات_العيد

  • 3 كوب و نصف دقيق
  • 2 معلقه كبيره سمسم أبيض
  • رشه ملح
  • معلقه كبيره رائحه الكحك
  • معلقه صغيره خميره
  • 2 كوب سمن سخن جدااا + 3 نقط رائحه السمن
  • 1/3 كوب حليب دافي
  1. احط الدقيق + السمسم + الملح + رائحه الكحك + الخميره على بعض و اقلب
  2. اقدح (اسخن) سمنه جداا و لما تسخن احطها على الخطوه الاولى (اللي هي الدقيق) واقلبهم كويس و بعد كده افركهم بايدي كويس لحد اما السمن تخش في كل الدقيق (لو لقيت العجينه محتاجه دقيق اديها ملعقة في ملعقة لحد اما تمسك معايا) و تبقى بشكل ده 👇
  3. احط عليهم 1/3 كوب اللبن بس مش كلو حبه × حبه و اعجن لحد اما تبقى بالشكل ده 👇 و بعد كده اسيبها تختمر حاولي 1/2 ساعة
  4. بعد ما تتخمر بتبقا بشكل ده 👇 و متقلقوش هي بتبقا زي البسبوسه كده كا عجين و لما تدعجيها بايدك بتمسك نفسها
  5. بتخدي حتى من العجين و تكوريها و تفرديها بصوابعك براحه و بالمناقيش بتشكلي العجينه عشان تكون بشكل ده بعد كده هسبها ترتاح 1/2 ساعة
  6. عندي الفرن سخن على درجه حراره 180 °و احط الكحك في الفرن على الرف الاوسط لمده 20 دقيقه لو لسه ماخدش لون اطفي الفرن و اشغل الشوايه 5 دقائق بعد كده هخرجو من الفرن و ارش عليه سكر بودر و الف هنا على قلبكم
  7. الوصفه كامله
عجبتك الوصفة؟
شوف كل وصفاتنا في مكان واحد
كل الوصفات →