→ كل الوصفات
#حلويات_العيد
المقادير
- كيلو دقيق
- رشة ملح
- كوب لبن
- معلقة صغيرة ريحة كحك او بدون
- 1/2 كيلو سمنه بلدي
- معلقة كبيرة سمسم محمص
- معلقة صغيرة بيكينج باودر
- معلقة كبيرة سكر
- قطعة خميرة بيرة او معلقة كبيرة خميرة فورية
- كوبين ماء دافئ للعجن
- سمسم
- ملبن
- عجوة
- سمنة بلدي
- عين جمل
- سكر باودر
طريقة التحضير
- بنجيب العجوة نفرمها ونحطها في طاسة ومع سمنة وسمسم واقلبهم علي بعض ولما تبرد اعملها كور صغيرة
- نجيب الملبن ونحط عليه معلقة سمنه ونقلبهم في بعض ونعملها كور صغيرة
- نقدح السمنة وندفي اللبن
- نحط الخميرة ع اللبن والسكر ونقلبهم ونغطيهم ونسيبها لحد ما تخمر
- نجيب الدقيق ونحط عليه البيكينج باودر والسمسم وريحة الكحك ونخلطهم كويس
- نعمل حفرة في الدقيق وننزل بالسمن ونبسهم كويس ونضيف الخميرة ونعجن كويس ونحط ماء دافئ للعجن لحد ما تتكون عجينة لينه ونسيبها تخمر
- نجيب العجين ونعمله كور
- نجيب الكورة ونحط جواها العجوة او الملبن وعين الجمل ونقفلها وننقشها او نضغط عليها بالبصامة
- نحطهم في الصواني وندخلها الفرن ولما تخرج نحطها في سكر باودر او بدون حسب الرغبة وبالف هنا يا رب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد