→ كل الوصفات
طريقة عمل كحك العيد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- ½ كيلو سمنه سايحه
- كوب لبن حليب (ممكن يختلف حسب نوع الدقيق)
- ½ ملعقه خميره بيره
- سكر حسب الرغبه
- ملعقه كبيره قشطه (مش أساسي)
طريقة التحضير
- نحط السمنه السايحه على النار لحد ما تقدح (تسخن أوي ماتغليش) وناخد بالنا علشان ماتتحرقش
- ندعك الخميره مع السكر كويس وبعدين ننزل عليهم باللبن والقشطه ونقلبهم على بعض
- نضيف الدقيق منخول ونعجنهم مع بعض
- ننزل عليهم بالسمنه المقدوحه و نعجن وهنا لو حسينا العجينه ممكن تبقى ناشفه بنسيب شوية سمنه للآخر و نضيف لبن و بعدين نرجع نحط باقي السمنه (العجينه لما بتكون آخر حاجه اتحطت فيها السمنه بتبقى طريه و حلوه)
- بنسيبه يختمر مش أقل من ٣ ساعات
- وبعدين نشكل العجينه ونحشيها حسب الرغبه وتطهى بالفرن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد