→ كل الوصفات
طريقة عمل كحك ناعم جداً😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 كوب دقيق مخصص للكعك والبسكويت
- 2 كوب سمن نوع كويس
- ½ كوب ماء او اقل ملعقه صغيرة خميرة ملعقة كبيرة سكر
- ملعقة لبن بودرة بيدي لون للكحك حلو جداً
- رشة محلب ورشه ملح
- ممكن ملعقة صغيرة بيكنج بودر بدال الخميرة انا حطيت الاتنين
- سمسم محمص
طريقة التحضير
- اول خطوة بضيف الدقيق مع رشة الملح واللبن البودر والبيكنج بودر والمحلب
- السمن بأخذ منها معلقتين بس واسخنهم كويس على النار مع السمسم واضيفهم على الدقيق وباقي السمنه بحطها في الطاسه وهي ساخنه بس مش على النار الطريقة دي طريقة الشيف نادية السيد وبيطلع زي المحلات بالظبط
- ببس الدقيق بالسمن والاحسن بالايد مش بالعجان الخطوه دي بتأخذ 10 دقائق وبعدها بضيف الماء بالخميرة واحدة واحدة مش كلها العجينة هاتنشف شويه ده عادي جربي كورة من العجين واضغطي بااصبعك عليها لو شققت تبقي محتاجه سمن تاني اوعي تضيفي ماء خالص
- اخر خطوة تجهزي الصينية وعالطول تشكلي الكحك مش بيخمر تشتغلي فيه عالطول بيدخل فرن ساخن على درجة حرارة 180 لغايه مايحمر من تحت واول ما يخرج ترشي السكر البودر بعد ما يبرد خالص تخزني في علبة صاج
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد