→ كل الوصفات
كرات البسبوسة المقلية حلى سهل ولذيذ وسريع فى التحضير 😊 طعمها حلو جداً ممكن تعمليها كنوع من أنواع التحليه المميزة على سفرتك في شهر رمضان 😍 لو مجربتيش كرات البسبوسة المقلية هيفوتك كتييير 🤩 #وصفات_رمضان
المقادير
- 1 كوب دقيق
- 1 كوب دقيق سميد
- 1/2 كوب ماء
- 1/4 كوب زيت
- 1 ملعقة صغيرة بيكنج بودر
- 1 كيس فانيليا
- كمية من شربات الحلويات
طريقة التحضير
- أولاً جيبي حاجة مناسبة وحوطي فيها الدقيق والبيكنج بودر والفانيليا ودقيق السميد وقلبيهم مع بعض كويس 😍
- ضيفي بعد كدة الزيت والماء وقلبي المكونات لحد لما يتكون معاكي عجينة ممكن تشكليها بإيدك 😍
- شكلي العجينة بعد كدة إلى كرات صغيرة متساوية في الحجم وجيبي مقلاة وحوطي فيها زيت وأقلي كرات البسبوسة في الزيت على نار متوسطة لحد لما تاخد لون ذهبي جميل وخرجيها بعد كدة من المقلاية وحوطيها في طبق التقديم 😍
- حوطي عليها الشربات وكمية الشربات انتي اللي متحكمه فيها وزيني كرات البسبوسة بجوز الهند أو المكسرات وقدميها لعيلتك كنوع من أنواع التحليه المميزة واللذيذة جربيها أكيد هتعجبك 😍👌🏻❤️
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد