→ كل الوصفات

كرات الخبز بحشو الجبن

فكرة حلوة لتقديم العيش بطريقه مختلفه والطعم رووووعه #خبز #خبز_الجبن #طبخه_من_اول_خطوة_مع_ايسوو

  • 3 كوب دقيق
  • كيس خميرة فوريه
  • معلقه سكر
  • رشه ملح
  • 1/4 كوب زيت
  • بيضه
  • 3 معالق لبن بودرة
  • 1/4 كوب لبن دافي
  • ماء دافي للعجن
  • جبنة رومي مبشورة
  • جبنة شيدر مبشورة
  • جبنة موتزاريلا
  • معلقه زبده كبيرة سايحه
  • 1/4 كوب بقدونس مفروم
  • 2 فص ثوم كبير مفروم
  1. في بوله نضيف الدقيق والسكر والخميرة واللبن البودرة ونقلبهم كويس
  2. وبعدين ننزل بالبيضه والزيت واللبن ورشه الملح ونقلب كويس حتى تكون عجينه متماسكه وطريه ولو احتاجت نزود شويه ماء دافي
  3. نغطي العجينه ونسيبها تختمر في مكان دافي لمده نصف ساعة
  4. نجيب بوله نخلط فيها الجبن كلها
  5. واول متخمر العجينه نقطعها كور صغيرة
  6. وناخد كل كورة نفردها ونحط جواها حشو الجبن ونقفلها كويس كده
  7. ونحطها في صينيه الخبز ونكرر العمليه في كل العجينه ونسيب مسافه بسيطه بين كل كورة وكورة
  8. نغطي العجينه مرة تانيه نصف ساعة تختمر في مكان دافي
  9. نجيب الزبده سايحه ونحط عليها البقدونس والثوم ونقلبهم كويس ولو فضل شويه جبنة من الحشو ممكن نضيفهم عليها
  10. ندهن وجه العجينه كويس وندخلها على فرن ساخن درجه حرارة ٢٠٠ من ٢٠:٢٥دقيقه واخر دقيقتين نولع الشوايه
  11. ويقدم وبالف هنا
عجبتك الوصفة؟
شوف كل وصفاتنا في مكان واحد
كل الوصفات →