→ كل الوصفات
الكميه دي تكفي فقط شخصين .. وتمشي دايت لانها مفيده جدا
المقادير
- 0.25 كيلو لحمه مفرومه حمرا بدون او قليله الدسم
- 0.25 كوب برغل
- معلقه زيت زيتون
- بصله مفرومه ناعم
- 0.5 م ص ملح
- 0.5 م ص فلفل
- 0.5 م ص بابريكا
- معلقه كبيره نعناع مجفف
- الصلصه
- طمطمايه كبيره مفرومه
- ومعلقه كبيره صلصه
- وزعتر
- وتوم بودر
- وبهار لحمه مشكل
طريقة التحضير
- اول حاجه بنغسل البرغل كويس وننقعه في مايه فاتره لمده ربع ساعه وبعد كده تصفيه كويس كدا في قماشه نضيفه مايكونش فيه مايه خالص
- بنجيب اللحمه المفرومه وبنحط البصله والملح والفلفل والبابريكا والنعناع والبرغل
- هنعجنهم كويس مع بعض كويس جدا لحد ماتكون عجينه متماسكه لو عندك كبه او مفرمه حطيهم مع بعض فيه
- هنجيب صينيه ونحط ورق زبده ونكورن كرات متساوه بحجم البيضه البلدي كده ونرصهم في الصينيه وندهنهم زيت زيتون وندخلهم الفرن
- في الوقت اللي هتدخليهم الفرن اضربي الطماطم في الخلاط وحطيهم في حله ع النار وضيفي معلقه الصلصه والزعتر والبهارات والبابريكا والتوم البودر وسبيها تتسبك مع رشه ملح
- ولما تطلع الكفته من الفرن وتستوي نزلي الكرات في الصلصه وتسبيها تغلي شويه
- بس و اغرفي وقدميها في اطباق وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد