→ كل الوصفات

كرات المكرونة بالبشاميل

إتبقى عندي شوية معكرونة مسلوقة و ممكن لو اتبقى منك صدور فراخ بردو تعملي الوصفة دي في طبعاً اكيد مش هرميهم في قررت اني استفيد بيهم وعملت الوصفة دي بإذن الله هتعجبكم ⁦♥️⁩⁩ #اطبخها_لا_ترميها #الشيف_الذهبي

  • بواقي مكرونة سباغيتي مسلوقة أو كيس صغير مكرونة سباغيتي
  • 2 بيضه مخفوقه
  • 2-1 ملعقة ك كاتشب
  • 2-1 كوب صدور فراخ مخليه ومفرومة
  • 1 بطاطس كبير مسلوق ومهروس
  • 1 بصلة متوسطة الحجم مقطعة صغير
  • كوب بقسماط مطحون
  • 1/4-1/2 كوب صلصة طماطم
  • م ص بهارات فراخ او متنوعة
  • ملح وفلفل حسب الرغبه
  • 1-2 كوب صوص بشاميل بقوام متوسط او خفيف بلاش التقيل
  • كوب دقيق
  1. لو المعكرونة مش مسلوقة هتسلقيها طبعاً وتصفيها
  2. نحمر البصل على النار ونحط البهارات والفراخ و لما ينضجوا هنحط الصلصة ونسيبها تتسبك
  3. وبعدين هنضيف الكاتشب ونقلب ونقفل عليها
  4. نحضر البشاميل بالطريقة اللي تحبوها بس اهم شيء مايكونش تقيل بزيادة
  5. وهنجيب بولة ونخلط المعكرونة وبطاطس و خليط الفراخ بالصلصه كويس ونحط عليه البشاميل بالتدريج لحد ما توصلي انك تقدري تشكليها كور متوسطة الحجم
  6. بعد مانكورها هنغمسها في دقيق وبعدين البيض المخفوق و بعدين البقسماط وفي زيت ساخن غزير هنحمرها لحد ما تأخذ لون ذهبي
  7. وطبعا هنطلعها على مناديل المطبخ تمتص الماده الدهنية و تتقدم وبألف هنا ⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →