→ كل الوصفات

كرات بطاطس بالفراخ

#سفرة_دايمة #اكلات_هنية #الشيف_الذهبي #عمايل_ايديا

  • 3 بطاطس مسلوقة ومهروسة
  • جبنة موزاريلا مبشورة حسب الرغبه
  • ملح وفلفل حسب الرغبه
  • م ص كمون
  • 2 م ك حليب
  • بصلة صغيرة مفرومه
  • 3 فصوص ثوم مهروس
  • 1/2 كيلو صدور فراخ مكعبات
  • فلفل الوان اخضر واحمر واصفر مكعبات صغيرة (حبه من كل نوع)
  • 2 طماطم مفرومة
  • 2 م ك صويا صوص
  • م ص بابريكا
  • م ص توابل فراخ او توابل متنوعة
  • م ص كاري
  • 2 م ك دقيق
  • 2 م ك زبده
  • 2 كوب حليب
  1. هنجيب بوله ونحط بطاطس المهروسه ونحط ٢ ملعقة كبيرة جبنة موزاريلا وملح وفلفل وكمون ونخلطهم كويس
  2. هنحط ٢ ملعقة كبيرة حليب ونقلبهم ونركنها على جنب
  3. هنجيب طاسه فيها زيت ونشوح البصل وبعدين نحط ثوم ولما يدبلو هنحط الفراخ ونقلب لحد ماتستوي بعدين هنحط الفلفل الألوان ونقلب على نار هاديه ٥ دقائق
  4. هنحط بعد كده الطماطم المفرومه ونخلطهم وهنحط بابريكا والكاري وتوابل فراخ ورشه ملح و صويا صوص ورشه فلفل اسود ونسيبهم على نار لحد مايستوي ونقفل عليها
  5. هنجيب بايركس او طاجن ونحط الفراخ فيها ونوزعها كويس
  6. هنكور بطاطس على شكل كور متوسطه او صغيرة الحجم ونرصصهم فوق الفراخ
  7. وبعدين على نار هنسيح الزبدة ونحط دقيق ونقلبهم لحد مايكون لونه ذهبي وقوامه كريمي ونضيف كوبين حليب بالتدريج ونقلب باستمرار علشان صوص بشاميل يطلع بالقوام المناسب ونحط ملح وفلفل هنقلب ٣ دقائق لحد مايغلي ونقفل عليها
  8. هنصب الصوص بشاميل على بطاطس والفراخ ونرش جبنة موازريلا كتير عليها ونحطها في الفرن على درجة حرارة متوسطة لمدة ربع ساعة او لحد ماتستوي وبعدين نشغل الفرن من فوق علشان تأخذ لون وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →