→ كل الوصفات
طبعاً ساعات بيتبقى منك صدور فراخ مقطعة او تكوني عامله فرخه كامله واتبقى منها حاجه ماترميش اي حاجه من دول هنحطهم على بعض وفي الكبه وهنعمل احلى اكلة الوصفة دي تنفع تكون من بواقي فراخ او تعمليها بصدور مخصوص ليها #اطبخها_لا_ترميها
المقادير
- بواقي فراخ او 1/2 كوب صدور فراخ
- بيضه
- بصله صغيرة مفرومه
- 2 فص ثوم
- 2 فلفل رومي اخضر
- م ك حليب بودرة
- م ك زيت نباتي
- م ك صويا صوص
- ملح حسب الرغبه بس قللي علشان صويا صوص مالح علشان مايحدقش
- م ص بهارات فراخ
- كوب بقسماط
- زيت للقلي
طريقة التحضير
- في الكبة نحط الفراخ وبصل وبيضه وثوم وفلفل وحليب وزيت وصويا وملح وبهارات الفراخ ونخلطهم كويس لحد ماتكون عجينه ناعمه ملساء
- نجيب بوله ونحط العجينه ونضيف البقسماط ونعجن لحد ماتتماسك كويس
- نبدأ نكورها الى كرات متساويه الحجم وفي زيت ساخن نقلي كرات الفراخ لحد مايكون لونها ذهبي وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد