→ كل الوصفات
#تحدي_البروتينات
المقادير
- فرخه ونص مقطعة
- 2 بصلة مقطعة جوانح
- 2 ملعقة كبيرة خل
- 3 ملعقة كبيرة دقيق
- 2 كوب عصير طماطم
- كيس صلصه
- قطعة فحم
- 4 ملعقة كبيرة زيت
- 3 ملعقة كبيرة سمن
- ملعقة ملح
- 1/2 ملعقة صغيرة قرفة
- ملعقة صغيرة حبهان مطحون
- ملعقة كبيرة بابريكا
- ملعقة كبيرة ثوم مفروم
- ملعقة كبيرة زنجبيل مفروم
- ملعقة كبيرة فلفل
- ملعقة كبيرة كزبره
- ملعقة صغيرة كمون
- ملعقة شطه اختياري
- 2 علبة زبادي صغيرة
طريقة التحضير
- هنقطع الفرخه ونغسلها كويس وهنصفيها وهنجهز التتبيله "ملح، فلفل، حبهان، كزبره، كمون، الثوم، الزبادي، الببريكا، الزنجبيل، الشطه، القرفة، الصلصه" هنخلط كل المكونات ونتبل بيها الفراخ ونغطيها ونتركها في الثلاجه لمده ساعة على الاقل وممكن نسخن قطعة فحم وننزلها على ورقة فوق الفراخ وعليها رشة زيت ونغطيها
- هنجهز البصل الجوانح نتبله بالخل والدقيق ونتركه في الفريزر ربع ساعة، في طبق هنسخن الزيت ونحمر البصل زي ما بنجهزه للكشري ونتركه يبرد، هنضرب الطماطم في الخلاط ونضيف عليها البصل المحمر ونضربه مع الطماطم
- في حلة او صينية على النار ونضيف فيها الزيت والسمن اول ما يسخن ننزل بالفراخ بالتتبيله ونقلبها على الجهتين وننزل عليها بكل التتبيله ودقيقتين وننزل الطماطم اللي مجهزينها بالبصل ونقلبهم كويس ونتركهم على النار حتى تستوي الفراخ ونضيف ملح لو احتاجت
- وبعد ما تستوي والصوص يتسبك كدا الوصفه جاهزة انا بحب ادخلها الفرن تأخذ وجه بتكون اطعم واجمل وكمان تركايه تانيه هنسخن قطعة الفحم ونضعها في الصينية ونقطه زيت عليها ونغطيها ونترك الوصفه تأخذ نكهة الفحم وبعد كدا نقدمها مع طبق رز حبةحبةوطبق سلطه وبالهنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد