→ كل الوصفات
حبيت إعمل نكهة جديدة بدل الكورن فلكس استخدمت شيبس تورتيلا ذرة فينا نستعمل اي نكهة (جبنة، بابريكا، ملح) ، وما قليتهم بالزيت طلعو كتير طيبين جربوها😊😉
المقادير
- 1/2 كيلو صدر دجاج مسحب
- كوب طحين
- 1 بيض
- 1/4 كوب حليب
- ملعقة كبيرة نشاء
- 1/4 كوب عصير حامض
- ملعقة صغيرة بهار أسود
- كمون
- بهار بابريكا
- بودرة الثوم
- بودرة البصل
- بهار الدجاج
- ملعقة كببرة زيت نباتي
- رشة حر إختياري
- ملح حسب الرغبة
- تورتيلا تشيبس
- ملعقة صغيرة بهار الثوم
- فلفل أسود
- كزبرة ناعم
- باكينغ باودر
طريقة التحضير
- غسلت الدجاج المسحب وقطعته قطع طويلة بهالشكل. بوعاء وضعت الطحين، بيضة، حليب والبهارات والحامض (جميع مكونات التتبيلة) ونقعت قطع الدجاج فيها بتركهم من ساعة لساعتين بالبراد
- طحنت التورتيلا بالخلاط الكهربائي لصارو ناعمين اذا حبينا فينا ما ننعمهم كتير
- أضفت البهارات فوق طحين التورتيلا. حتى ابدأ بتغليف الدجاج فيهن
- بغلف كل قطعة من الدجاج المنقوع بطحين التورتيلا بهالشكل الموضح بالصورة لإنتهاء كمية الدجاج الموجودة ، بصفهم بصينية مغلفة بورق الزبدة لتجنب إلتصاق الدجاج ، لان ما حبيت إقليهن بالزيت فضلت ضيف للتتبيلة ملعقة زيت وقت النقع. وبحطهم بالرف الوسط على حرارة ٢٠٠° درجة وببقى راقبهم وقلبهم لتأكد من نضجهم ولما يتحمرو بشيلهم من الفرن حتى ما ينشفو ويقسو
- وهيدي النتيجة طيبين وصحيين وما فيهن نقطة زيت
- منقدمها مع سلطة مايونيز وبطاطا مقلية
- وفينا نعملها ساندويش بخبز التورتيلا مع عصير طبيعي. صحة وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد