→ كل الوصفات

كرمب محشي باللحم المفروم بطريقة جديدة

#طلبات_عائلتي #هشام_للطبخ طبق و لا اروع بنين ما تندموش عليه

  • رأس كرمب
  • كمية من اللحم المفروم
  • القليل من الأرز الابيض(ماشي مفور)
  • حبة بصل
  • كمية من الحميصة
  • ملح
  • رشة فلفل اسود
  • رشة زنجبيل مرحي
  • راس الحانوت
  • 4 فصوص ثوم
  • معدنوس للتزيين
  1. أولا نجيبو الكرمب تاعنا نقوه مليح و نغسلوه و نديروه يغلي حوالي 10 دقايق في ماء سخون و نخلوه يبرد بجيه
  2. في جهة وحدوخرة نجيب تنيجرة و لا مقلة غامقة ندير شوية زيت و نخلي البصل يتقلى بعد ما كنت قطعتوا صغير و نزيد الحميصة (تقدروا ديروا مع لول جاج يتقلى باش يزيدلكم البنة) بعد ما ذبال البصل ندير التوابل و نخلطهم مليح امبعد نزيد شوية ماء ونخلي الحميصة طيب مليح
  3. من جهة وحدوخرة نجيب إناء ندير في اللحم المفروم نزيدلوا فصوص ثوم مسكرفجين و التوابل و الروز الابيض و نعجنهم مليح و نبدا نحشي الكرمب تاعي
  4. كي نكمل نجيب التنيجرة ولا المقلة لي كنت دايرة فيها المرقة نفرغها و ندير في المقلة شوية زبدة و نقلي الكرمب تاعي نخليه يحمار من كل الجوانب كي يحمار نزيدلوا المرقة شوية برك ماشي نغطسوا حتى يتفتح و نخليه في نار قليلة كل ما يشرب المرقة نزيدلوا و هكا حتى يطيب الروز كي يطيب نرش شوية معدنوس ملفوق و نقدموا بالصحة و الهناء
عجبتك الوصفة؟
شوف كل وصفاتنا في مكان واحد
كل الوصفات →