→ كل الوصفات

كرمب محشي مع مرقة حمراء

وصفة كرمب محشي مع إضافتي الخاصة

  • صدر دجاج أو دجاج مرحي او لحم مرحي حسب الإختيار كل واحد وذوقو المفضل
  • ورقات من الكرمب حسب العائلة انا اخذت كل واحدة مثل حبة البوراك خليتها كيما راهي ديت حوال 8 ورقات تكفي حتى فوق اربعة أشخاص
  • أرز حوالي كاس للحشو والباقي حوالي ملعقة للمرقة
  • معدنوس وقصبر مقطع رقيق
  • توابل راس الحانوت.فلفل عكري وفلفل اسود وكمون
  • فص ثوم
  • كوب صغير حمص مطبوخ
  • ملح
  • 2 ملاعق متوسطة طماطم مصبرة
  • حبة طماطم مسكرفجة أي مرحية
  • ملعقة مايزية او كريمة طازجة إختياري لي عندك
  1. بعدما نغسلو الوريقات مليح في طنجرة نديرو ماء عادي كي يغلي نحطو الورقات تاع الكرمب يطيبو مليح بعد النضج نحوهم بجيهة
  2. بعدها نحطو في طنجرتنا لي طبخنا فيه الكرمب فص واحد ثوم مرحي وحبة طماطم مرحية او ملعقتين متوسطة طماطم مصبرة او بعد مدة حوالي عشر دقائق نضيفو الحمص تاعنا ومعدنوس وقصبر مقطع رقيق وملح وتوابل تاعنا كامل منهم ملعقة صغيرة وخلوه يتجمر ونضيفو في نص كاس ملعقة مايزية او كريمة طازجة باش نعقد المرقة تاعنا برك وفي الأخير نديرولها شوية من الأرز لي طبخناه للحشو ملعقة تاع ماكلة فقط
  3. الأرز كنا طبخناه تاعنا في زوج كيسان ماء وملعقة زبدة وبعدما يطيب نحوه وفي مقلة نقلو اللحم لي عندنا ونحوه نضيفلو معدنوس او قصبر مقطع رقيق ونصفو الأرز تاعنا ونحطوه مع اللحم في طبسي يكون غامق باش نقدرو نخلطوهم مع بعض
  4. نوجدو الوريقات تاعنا او الحشو لي عندنا او صينية بورق الزبدة باش نحمروهم في الفرن برك على خاطر كل شيء طايب
  5. وكي يتحمرو في الفرن ولا مقلاة كيما تحبو السر تاعو في التحميرة هديك في الأخير نقدموهم مع المرقة لي طيبنا ها في الأول
عجبتك الوصفة؟
شوف كل وصفاتنا في مكان واحد
كل الوصفات →