→ كل الوصفات

كرمب محشي

#اربح_صحتك طليت عليكم اليوم بوصفة صحية وخفيفة على المعدة خصوصا اني نقصت فيها كمية الزيت وطيبتها في الفرن سلامي لكل الاحبة💋💝

  • راس كرمب
  • رطل لحم مفروم
  • بصلة كبيرة
  • 4 فصوص ثوم
  • ½ ربطة معدنوس مقطعة
  • ½ كاس روز ابيض مغلي 5دقائق
  • حبة بيض
  • كاس حمص منفخ
  • ملعقة اكل ملح
  • ملعقة صغيرة فلفل اسود
  • ملعقة صغيرة راس الحانوت
  • ملعقة صغيرة كركم
  • ملعقة صغيرة زنجبيل
  • ملعقة اكل فرينة
  • ملعقة اكل زبدة
  1. بسم الله في الأول نغسل راس الكرنب وننزعلو الاوراق ونديرهم في الماء المغلي دقيقتين ونصفيهم ونغطيهم حتى يبردو
  2. نجيب رطل اللحم المفروم ونديرو الروز ونصف كمية المعدنوس والتوابل وحبة بيض ونصف كمية البصل و الثوم مرحيين ونخلطهم مليح
  3. نجيب ورقة من الكرمب وندير فيها كمية من اللحم المفروم ونطويها على اثنين ونلويها كما في الصورة ونعصرها باه ننزع كمية الماء الزايدة
  4. نقليهم في ملعقة زبدة غير باه تاخد التحميرة ونديرها في بلاطو
  5. نقلي في قدرة البصل و الثوم مع ملعقة زبدة وملعقة صغيرة ملح وفلفل اسود وكركم ومن بعد نزيد الفرينة ونزيد نقلي ونمرقها بالماء ونرميلها الحمص ونغلق عليها حتى يطيب الحمص من بعد نفرغ المرقة فوق حبات الكرمب وندخلها الفرن تقريبا نصف ساعة ونقدمها بالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →