→ كل الوصفات
#من_القلب
المقادير
- حبة كرمب (ملفوف)
- 250 غ لحم مفروم
- بصل
- 2 سنات ثوم
- كاس و نص رز مغلي في الماء والملح
- معدنوس (بقدونس)
- رشة فلفل اسود
- رشة كمون
- زنجبيل
- رشة قرفة
- رشة كركم
- ملح
- جبن طري
- ربع حبة بصل مفرومة
- 2 سنات ثوم
- 2 حبات طماطم مسكرفجة (مفرومة)
- 2 ملاعق كبيرة طماطم مصبرة
- ورقة رند (غار)
- نفس توابل الحشو
- جبن مبشور
طريقة التحضير
- اولا نفتح حبة الكرمب الى وريقات و نغليها مع شوية ملح
- الحشو : ندير مقلاة تحمى نحط الزيت و البصل و الثوم كي يتقلاو نزيد اللحم المفروم و نقليه مليح كي يطيب (يستوي) نضيفلو التوابل و المعدنوس (بقدونس) و الملح و نطفي و نخليه يبرد
- ناخذصحن كبير نخلط فيه اللحم المفروم مع الرز اللي كنت غليتو و نخلطهم مليح
- نأخد وريقات الكرمب اللي منت غليتهم و نعمرهم بشوية حشو و نزيد قطعة جبن و نلويها كيما اي مثل الحبة تاع البوراك كي نكمل كامل الورقات نقليهم في زيت تكون شوية غامرة
- كي يتحمرولي نستفهم في plat اللي يدخل للفرن
- بالنسبة لصلصة الطماطم ندير مقلاة تسخن ندير فيها شوية زيت و نحط البصل و الثوم و نخليهم يتقلاو من بعد نزيد الطماطم المصبرة و نخليها تتقلا مليح و نضيف الطماطم المسكرفجة و الرند و التوابل و الملح نخليها تتقلى في ماها كي قريب تنشف نزيدلها كاس ماء و نغطيها و نخليها تطيب اي تستوي في غرضها
- كي تطيب اي تستوي نفرغها فوق الكرمب اللي كنت ستفتو في plat و نديرلها مالفوق الجبن المبشور و ندخلها للفرن مشعول غير مالفوق كي تحمر نحيها
- و تقدم مع البطاطا المقلية و شهية طيبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد