→ كل الوصفات

كرواسون محشي بمعجون التمر

التمر له فوايد كتير جداً للجسم وغير كدا كمان في الشتاء دا لازم ندفي كويس وعلشان كدا عملت البتيه دي من غير زيت وطبعا مع كوب شاي 🫖 ☕️ ليها طعم تاني

  • 4 كوب دقيق
  • 1/2 كوبايه لبن او اقل شويه
  • كيس خميره فوريه
  • معلقه ملح
  • 1/4 كوبايه سكر
  • مياه دافيه حسب نوع الدقيق
  • معجون تمر
  1. نخلط جميع المقادير الجافه مع بعض في طبق ونقلبهم كويس جداً (دقيق +خميرة+ملح +سكر)
  2. بعدين نضيف اللبن والمياه ونقلب لحد ما العجينهً تلم معايا وتبقه شبه الكوره او ايدينا متبقاش بتلزق
  3. بعدين نسيبها ترتاح نص ساعة ونشغل الفرن على درجه حراره عاليه طبعاً علشان البرد دا العجينهً هتكون صعب انها تختمر فممكن ان احنا نسيبها على البتوجاز فوق تاخذ من حراره الفرن وتخمر كويس شويه
  4. بعدين هنبداء نقسم العجينهً كور صغيرة ونغطي كل واحدة كورناها علشان نبدأ باول كوره في العجينة
  5. هتاخد اول كوره في العجينهً ونبدا نفردها بايدينا
  6. وبعدين نفردها بالنشابه ونبدأ نحشيها بمعجون التمر
  7. ونلفها رؤول طويل كدا زي ما في الصوره من غير اي مشكله خالص
  8. ونقطعها قطع متساوي في الطول بالسكينه بالشكل
  9. وبعدين نرصها في صينية وتكون مدهونة دهان بسيط جداً من الزيت ونسيبها ترتاح لحد ما نخلص كل الكميه
  10. وبعدين ندخلها الفرن وهو سخن ونهدي النار شويه عليها تقريبا هتاخد ١٥ دقيقه وهتبقه جاهزة
  11. طبعاً انا عملت كذا شكل بسيط كدا يارب يعجبكم
  12. وهنغطيها شويه بفوطه علشان متنشفش وبالهنا والشفاء مع كوب شاي ☕️ يارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →