→ كل الوصفات
من أسهل وانجح الطرق لعمل الكرواسون
المقادير
- كوب ماء + نصف كوب حليب بدرجة حرارة الغرفه
- 5 اكواب دقيق
- ملعقة صغيرة ملح
- معلقة صغيرة خل
- معلقة كبيرة خميرة
- 3 معالق كبيرة سكر
- 1 بيضة
- ملعقة صغيرة فانيليا
- 4 معالق كبيرة حليب بودر (اختياري)
- 300 جرام زبدة ما يعادل 4 او 5 ملاعق
- معلقة صغيرة بيكنج بودر
- 3 ملاعق كبيرة ممسوحة نشا
- معلقة كبيرة حليب وصفار بيضة لدهن الكرواسون وشوكولاته او اي نوع جبنة للحشو
طريقة التحضير
- هنجيب طبق غويط او بولة ونحط فيها ميه بحرارة الغرفة والحليب والسكر والخميرة ونقلبهم كويس هنخفق البيضه لوحدها ونضيفها لباقي المكونات ومعاهم ملعقة كبيرة خل ومعلقة صغيرة فانيليا ونقلبهم كويس جداً
- هنضيف ملعقة صغيرة ملح على ٥ اكواب من الدقيق وننزل بيهم على المكونات السايله ونبدأ نعجن حبة حلوين لحد ما نحصل على عجينه متماسكة هنغطي العجينة ونسيبها تختمر لمدة ساعة تقريبا لحد ما يتضاعف حجمها
- هنجيب طبق صغير هنحط فيه ٣ ملاعق ممسوحة من النشا ومعلقة صغيرة بيكنج بودر وهنقلبهم مع بعض
- في الوقت ده هنفرد العجينة على قد ما نقدر بشكل مستطيل وهندهن الزبدة على نص العجينة ونرش عليها خليط النشا والبيكنج بودر بالشكل ده ونقفلها كويس من الاطراف
- بعد كده نفرد العجينة مرة تانية بشكل مستطيل ونلفها ونقسمها نصين هنحطهم في صينية ونغطيهم وندخلهم الفريزر لمدة نص ساعة
- هنبدأ نفرد كل قطعة ونساوي الأطراف ونقسم كل واحدة منهم ل٦ او ٩ مثلثات ونحاول نخليهم متساويين
- في الخطوة دي هنبدأ نحط اي حشو متوفر عندنا شوكولاته او اي نوع جبنة ونلفها بالشكل ده بعد ما نخلص كل الكمية هنجيب صينية وندهنها زيت ونرص الكرواسون ونغطيهم ساعة كمان او لحد ما يتضاعف حجمهم وآخر حاجه هندهن الوجه بصفار بيضة مخفوقه وعليها ملعقة كبيرة حليب وندخلهم الفرن رف أوسط لحد ما ياخدوا لون من فوق ومن تحت
- وده الشكل النهائي وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد