→ كل الوصفات

كرواسون

طريقة عمل كرواسون سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 كوب دقيق
  • 0.5 كوب سمنه او زبده سايحه
  • 2 بيضه
  • ذرة ملح
  • 2 ملعقه صغيره خميره فوريه
  • لبن دافئ
  • جبنه او شيكولاته او مربى للحشو
  1. هنعجن الدقيق مع الزبده و البيض و الملح والخميرة
  2. تكوني مجهزه اللبن الدافئ و تنزلي بالتدريج واعجني لحد ما تبقي عجينه متماسكه
  3. اوعي تكتري لبن ليبوظ ولو كترتي لبن غصب عنك ضيفي شويه دقيق و هتظبط
  4. بعد ما تبقي عجينه غطيها سيبيها بقي تخمر ساعه في مكان دافي
  5. بعدين تفردي العجينه بالنشابه على شكل دايره و تقسميها لمثلثات زي الصورة دي كده هي صورة من النت بس بوريكي بس الفكرة تعمليها ازاي
  6. هتخدي كل مثلث منهم تشقيه من فوق
  7. وتحطي حشوك اللي تحبيه و تلفيها لو عوزاها ساده هتبقي حلوه بردو
  8. هتدهني صينيه زيت و رسي الكرواسون فيها و سيبيها ترتاح نص ساعه
  9. تكوني مسخنه الفرن من قبلها على درجه 180
  10. وقبل ما تدخليها الفرن على طول ادهني وشها بيض
  11. ودخليها على السلك بتاع الفرن في النص و سيبيها 20 دقيقه او لحد ما وشها يبدا يحمر
  12. والف هنا وشفا 😍
عجبتك الوصفة؟
شوف كل وصفاتنا في مكان واحد
كل الوصفات →