→ كل الوصفات
بنين بزاف بنتي تحب تاكلو وكي نحصل واش ندير تقلي ماما رز مكور ههههه يتحل المشكل بيه وتروح الحيرة
المقادير
- ارز مغلي
- 0.25 صدر دجاج
- حبة بصل صغيرة
- فصين ثوم
- ملح فلفل اسود
- ملعقة صغيرة فلفل احمر
- ملعقتين صغيرة كزبرة
- 0.5 ملعقة كبيرة طماطم مصبرة
- 2 كيسان ماء
- ملعقة كريمة سائلة
- خبز مرحي
- بيضة
- زيت للقلي
طريقة التحضير
- نغلي الارز حتى يبدا يتعجن ثم نخليه يبرد بعدها نحطلو رشة فلفل اسود
- نحضر الصلصة بقطعة الدجاج نقليها مع البصل والثوم والطماطم المصبرة والتوابل ثم نمرق بالماء ونخليها تطهى كي يطيب (يستوي)الدجاج نحيه يبرد ونفتتو رقيييق ونزيدلو رشة فلفل احمر والكريمة السائلة
- نكور الارز والدجاج بنفس العدد يكونو ولكن كرات الدجاج اقل من كرات الارز في الحجم ونحشي الارز بالدجاج ونعادو نكورها
- نمررهم في البيض ثم في الخبز المرحي ونقليهم
- بعدها نحطهم في المرق لي نكون خثرتها نخليه يغلي خمس دقائق ونطفي عليه يقدم وبالصحة والعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد