→ كل الوصفات

كريب الشاورما ما فيش احلى ولا الذ من كده 😋👌

#التحدي_الالماسي

  • الشاورما
  • كيلو صدور فراخ مقطعة
  • علبتين زبادي
  • معلقتين ك كاتشب
  • م ك مايونيز
  • ½ م ك كزبرة ناشفة
  • ½ م ك ثوم بودرة
  • ½ م ك بصل بودرة
  • ½ م ك فلفل اسود
  • ½ م ك ملح
  • جبنة موزاريلا
  • الكريب
  • 3 كوب دقيق
  • 2 كوب لبن
  • 1 كوب ماء
  • بيضة
  • معلقتين ك زبدة سايحة
  • م ص ملح
  1. اول خطوة هنتبل الشاورما: في بولة هنحط الزبادي والمايونيز والكاتشب وكل البهارات والملح ونقلبهم مع بعض وبعدين ننزل بيهم على قطع الفراخ ونخلطهم مع بعض كويس ونسبها فالتلاجة على الاقل ساعتين تتشرب التتبيلة
  2. في صينية على النار هنحط المادة الدهنية واول ماتسخن هننزل بالفراخ تأخذ صدمة لمدة دقيقتين وبعد كده نصفي منها التتبيلة في طبق ونركنها على جنب لحد مانشوح البصل والفلفل هننزل بقى بشرايح البصل والفلفل على قطع الفراخ ونشوحها واول ماتدبل ننزل بالتتبيلة اللي شلناها في طبق ونقلبهم مع بعض شوية ونطفي عليها وكده بقت جاهزة
  3. هنجهز الكريب: في حاجة واسعة هنحط اللبن والمية والدقيق والبيضة والزبدة والملح ونخلط كله مع بعضه ونتاكد انها مفهاش اي تكتلات ولو فيها اضربيها في الخلاط وفطاسة هندهن بالفرشة زيت ونحط كمية من الخليط ونوزعها عالطاسة كويس واول ماتاخد لون نقلبها عالناحية الثانية وهكذا لحد منخلص كل الكمية
  4. نجيب بقى الكريب نطبق طرف الكريبة ونحط طبقة كاتشب ومايونيز وشاورما واخر حاجة الجبنة الموزاريلا ونطبقها مثلث وندهن الطاسة دهنة زيت ونحطها تأخذ لون ونقلبها عالناحية الثانية ونطلعها وهكذا لحد مانخلص كل الكمية وبالف هنا😋😍
عجبتك الوصفة؟
شوف كل وصفاتنا في مكان واحد
كل الوصفات →