→ كل الوصفات

كريب بالكفته

طريقة عمل كريب بالكفته سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 6 أكواب دقيق
  • كوب لبن
  • كوب ونصف مياه
  • (حسب الدقيق بحيث يبقى اللبن والمياه نص كمية الدقيق)
  • 2 بيضة (متكتريش بيض)
  • م ص ملح
  • رشة فلفل أسود
  • 4 بصل
  • 3 فلفل أخضر كبير
  • 3 ثمرات طماطم
  • ملح وبهارات حسب الرغبة
  • ¼ كيلو كفته
  • صدور فراخ
  • 3 بصل
  • 2 فلفل أخضر
  • 3 ثمرات طماطم
  • ملح وبهارات حسب الرغبة
  1. نحط الدقيق مع اللبن والمياه والبيض والملح والفلفل الاسود ونضربهم في الخلاط أو في طبق كبير زي م تحبى لحد م يديكى قوام ناعم مش متماسك ومش سايب خالص
  2. في طاسة مش بتلزق زي التيفال ونحط ملعقة زيت بحيث تمسح الطاسة كلها
  3. بالكبشه نحط من العجين(ومنكترش علشان ميطلعش تخين) ونفرده في الطاسة المدوّرة كلها علشان ياخذ الشكل الدائرى
  4. نقلبها بمجرد م تبدأ تتماسك منسيبهاش تحمر أوى وهكذا لحد م تخلصى العجين اللي معاكى
  5. بعدين الحشو هتقطعى البصل والفلفل والطماطم شرايح وتحطى اول حاجه البصل لحد م يذبل ويأخذ لون ذهبي وتنزلى بالفلفل لحد م يذبل هو كمان وبعدين الطماطم والملح والبهارات وتطفى عليهم
  6. نقطع الكفته بحيث تبقى لا صغيرة ولا كبيرة ونقليها على نار هادية
  7. الشاورما بتقطعى البصل والطماطم والفلفل شرايح وتعمليها زي الخلطه فوق بس قبل م تحطى الطماطم بمجرد م البصل يبدأ يحمر تحطى الفراخ اللي مقطعاها شرايح (معلش اصل الشرايح بتدي طعم بالنسبالى 🤭)
  8. وبعد م الفراخ تحمر شوية تنزلى بالطماطم ونشوحها شوية ونضيف شوية مياه ساخنه تغلى فيها علشان الفراخ تستوي + ملح وبهارات طبعاً
  9. نجيب الكريب ونحط في ربع منها الحشو (وخلى بالك من صوص الطماطم علشان ميدوبهاش معاكى) وبعدين نطبقها نصين
  10. ونجيب الربع اللي مفهوش حشو على اللي فيه حشو وهكذا في الباقى وفي نفس الطاسة اللي حمرتيهم فيها بنفس ملعقة الزيت تحمريها وحاسبى لتتحرق منك وبألف هنا ي قمرات 😘
عجبتك الوصفة؟
شوف كل وصفاتنا في مكان واحد
كل الوصفات →