→ كل الوصفات

كسرة الشحم او المشحمة

#حراير_الجزائر #وصفات_الشتاء وصفة تقليدية وبنينة وتتميز في فصل الشتاء

  • 3 كيلات فرينة
  • 1/2 كيلة سميد رقيق
  • ملعقة صغيرة ملح
  • 1/4 ملعقة صغيرة خميرة الخبز
  • كيلو بصل مقطع رقيق
  • زيتون اخضر مقطع رقيق مليح
  • شحم الكلاوي مرابي
  • تون طماطم او كفتة ذا كان موجود ويمكن الاستغناء عنه
  • ملعقة كبيرة طماطم مصبرة
  • ملعقة صغيرة فلفل أحمر
  • فلفل حار مقطع رقيق
  • الماء الدافئ
  1. نأخذ الفرينة نضيف الملح والخميرة والسميد ونخلطهم ونضيف الماء الدافئ بالتدريج حتى تتلم العجينة وتكون تتلاصق خليها ترتاح
  2. نأخذ البصل مقطع رقيق ونضعه نضيف الشحم والطماطم المصبرة والزيتون الأخضر مقطع رقيق والفلفل الحار والملح والفلفل الاحمر ونخلطهم جيداً بيدينا كاننا ندلكه حتى تدخل المكونات مع بعضها. نرجع للعجينة نلمها تصبح عجينة عادية لأنها تشرب الماء ثم نقسم كريات مثل كرات الخبز ونكون وضعت الفرينة على طاولة العمل ونضع الكورة ونحلها شوية بالحلال ونضعها جانبا ونكمل هكذا مع كامل العجينة ونأخذ الأولى نضع شوية من الحشو في الوسط ونلم الجوانب للوسط حتى تصبح كرة ونغلقها مليح ونحطها في جهة حتى نكمل كل الكرات
  3. بنفس الطريقة ونأخذ الأولى نحلها بالحلال بشوية باه ماتتقطعش العجينة ونكزنوا واضعين الطاجين فوق النار ونحط العجينة ونقلبها حتى تتحمر وكي نقلبها ندهنها بشوية شحم ونقلبها ونفس الجهة الثانية ندهنها وهكذا حتى نكمل كل العجينة وشهية طيبة 😘😘
عجبتك الوصفة؟
شوف كل وصفاتنا في مكان واحد
كل الوصفات →