→ كل الوصفات

كسرة فطير صحية بالفرينة الكاملة والسميد 🌿

تجي بنينة بزاف، مقرمشة من برا وطرية وخفيفة من الداخل 😍 خاصة وهي سخونة مع الحساء أو قهوة العصر☕

  • 1 كاس سميد رطب
  • 4 كيسان فرينة كاملة
  • 1 ملعقة صغيرة خميرة الخبز
  • 1 ملعقة صغيرة سكر
  • ملح حسب الذوق
  • كاس الا ربع خليط زيت عادي وزيت الزيتون (أو زيت زيتون فقط حسب الرغبة)
  • سانوج (حبة البركة) اختياري
  • ماء دافئ للعجن
  1. في إناء نخلط الفرينة الكاملة، السميد، خميرة الخبز، السكر والملح
  2. نضيف الزيت والسانوج ثم نبسس الخليط مليح
  3. نلم العجين بالماء الدافئ تدريجياً حتى نتحصل على عجينة طرية ومتماسكة، ما تكونش يابسة ولا طرية بزاف
  4. نقسم العجين إلى زوج خبزات ونخليهم يرتاحوا 10 دقائق، أو نقدر نطيبهم مباشرة بدون راحة
  5. نسخن الطاجين على نار متوسطة، نحل كل خبزة ونثقبها بالشوكة
  6. نطيبها حتى تتحمر وتطيب من الجهتين
عجبتك الوصفة؟
شوف كل وصفاتنا في مكان واحد
كل الوصفات →