→ كل الوصفات
اكلة لذيذة و شهية و خفيفة و كمان فوايدها كتيرة لا و عمايلها سهلة اوي اوي. له فوايد جمة اولا يحتوي على عنصر السيلينيوم نوع من انواع المعادن بيساعد علي الحماية من خطر الاصابة بامراض القلب و بيحافظ علي الشرايين و بيقوي جهاز المناعة و بيحمينا من الاصابة بسرطان البروستاتا و كمان اللي بيعمل دايت ده حيساعده علي الدايت لانهربيحتوي علي 200 سعر حراري و الياف و دي طبعا بتنفش في المعدة فبالتالي بتديلك احساس بالشبع. #المطبخ #deliciousfood#instafood
المقادير
- كوب و نص كسكسيي
- قطعة زبدة
- معلقة كبيرة مرقة لحمة او فراخ بودر
- 6 كوب ماء
- كيلو لحمة مكعبات
- شرايح بصلة كبيرة مقطعة
- ملح وفلفل اسود حسب الحاجة
- ملعقة صغيرة بهارات لحمة
- معلقتين زيت عباد كبار
- خضار مشكلة: كله مقطع مربعات كبيرة
- جزر
- بطاطس
- كوسة وممكن بذنجان
- ملح وفلفل اسود حسب الرغبة
- قطعة زبدة
طريقة التحضير
- تسوية الكسكسيي علي البخار سواء في حلة البخار او حلة عادية. بنحط 6 كوب ماء وفوقها مصفي تكون عيونها صغيرة نحط فيها الكسكسيي و نغطيها كويس.. و نفتح و نقلب كل شوية وبعد خمس دقايق نفتح ونرش فوقه رشة ميه اد معلقتين كدة تقريبا بياخد ربع ساعة لو في حلة البخار ونص ساعه لو حلة عادية. بتلاقي الحبة بقت طرية ونافشة شوية.. المهم ما يعجنش ويبقي fluffy كدة
- بعد ما يستوي يبقي زي الصورة كدة نحط عليه وهو سخن قطعة زبدة ومعلقة مرقة لحمة بودر كبيرة ونقلبهم ونطفي عليه
- اللحمة المكعبات نقلبها مع البصل والبهارات اللحمة والملح والفلفل ونحط معلقتين زيت ونسويها علي نار هادية وتزود مية شوية بشوية لحد ماتستوي
- الخضار بعد ما نغسله ونقطعه مكغبات كبيرة نقلبه في ملح وفلفل وقطعة من الزبدة و نشوحه علي النار 5 دقايق وعدين نزود شوية مية صغيرين لان مش عايزاه يستوي اوي و يبقي مهري لا عايزاه يفضل فريش
- بعد كدة بغرف في طبق التقديم كسكسي (لو بسخنه و هو في المصفي و تحتيه حلة فيها مية) بعد كدة اغرفه واسقيه شوية من صوص اللحمة و فوقيه الخضار ثم اللحمة.. و بالف هنا بجد اكلة تجنن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد