→ كل الوصفات
حرش وشهى ويفتح النفس وبدون لحوم يجنن
المقادير
- 1/2 كوب مكرونة مرمرية
- 1/2 كوب شعرية
- 1/2 كوب عدس بنى منقوع ساعة
- كوب ونص رز مصرى
- 1/2 كوب زيت
- بصلة ك جوليان رفيع
- م ك ملح
- للدقة البيضا
- كوب ونصف ماء دافى
- م ص توم مفروم
- 1/2 م ص كمون
- 1/2 م ص شطة
- 1/2 م ص ملح
- 1/4 كوب خل
- للصلصة ألحمرا
- م توم مفروم
- 1/2 لتر عصير طماطم
- 1/4 كوب خل
- م هريسة شطة
طريقة التحضير
- اول حاجة نحمر مكعبات عيش وتتشل ومكانها نحمرالبصل فى زيت وينشل عل مصفى حتى لايطرى
- نجهز الدقة البيضا بخلط المكونات عالبارد
- للصوص الاحمر نشوح التوم فى ٢م زيت من زيت قلى البصل ونطفيها بالخل ونضيف عصير الطماطم والهريسة والملح والبهارات ونتركها تقصر وتخفف بنص كوب ماء
- لعمل الكشرى نحمر المرمرية فى ربع كوب من زيت تحمير البصل ثم نضيف الشعرية ونحمرها
- نضيف العدس البنى ونشوحه
- نضيف الرز المغسول ونشوح
- يضاف مغرفة من الصوص الاحمر ومغرفة من الدقة البيضا ودى تكة هاتفرق كتير فى الطعم
- يغطى بالماء المغلى
- نهدى ونغطى ونتركه يتشرب وينضج
- يغرف ويقدم مع مخلل والبصل المحمر عالوش مع عيش محمر مكعبات وحمص شامى مسلوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد