→ كل الوصفات
طريقة عمل كشري احلى من بتاع المحلات سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ¼ كيلو عدس بجبه
- معكرونه صغيرة و سباجيتي
- كوب رز
- ½ كوب شعيرية
- حمص منقوع
- 3 بصله كبيره للتقليه
- كيلو طماطم
- 2 بصله متوسطه
- 4 فصوص ثوم صحيح
- معلقه كبيره ثوم مفروم
- 2 معلقه كبيره صلصه
- م ك ثوم مفروم
- ماء
- م ك خل
- ليمون
- كمون
- م ك شطه
- زيت
طريقة التحضير
- للعدس هنغلى ماء و نحط فيها ملح و نسلقو و بعد ميستوى هنصفيه عشان شكله يبقى زي المحلات في نفس الحله هنحطها على نار متوسطه و ننزل بالعدس المسلوق بدون اي اضافات و نقعد ندعكو في بعضو كده لحد ميجير
- هنقطع البصل جوليان و نعفرو بالدقيق و نحمرو في زيت غزير و اهم حاجه ميتحرقش و نطلعو على مناديل و في طبق كبير عشان يفضل مقرمش
- الرز هنحط معلقتين زيت من الى حمرنا فيهم البصل و نحمر فيه الشعيرية و ننزل بالرز و نقلبو و نحط ماء مغليه و نسيبو يستوي
- المعكرونه هنسلقها عادي في ماء و نحط عليها ملح
- للصلصه هنحط ماء تغلى و ننزل بالطماطم سليمه و فصوص الثوم و البصل نقطعو اربعه و نسبهم يغلو مع بعض لحد متبدل و نسيها تبرد و نضربهم في الخلاط و في الحله ننزل بزيت يسخن و عليه الثوم المفروم يذوب يطلع ريحتو نحط معجون الطماطم و فلفل اسمر و نقلبهم كويس و ننزل بعصير الطماطم الى عملاناه و نسيبها تتسبك
- للدقه هنحط الزيت يسخن و ننزل بالثوم يذبل ننزل بالماء و الخل و نص ليمونه و الكمون و ملح و تأخذ غلوه و نقفل
- للشطه هنحط معلقتين زيت يسخنو و ننزل بمعلقه كبيره شطه تتحمر و اول مريحتها تطلع ننزل بكبشه من الصلصة و كبشه من الدقه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد