→ كل الوصفات
بجد بجد اللي بيعشق التغيير والطعم الجديد يجرب وصفة الكشري دي والله بدون مبالغة كارثة الكراثات 😋😋 #فخر_العرب جوزي حبيبي ❤ #كشري
المقادير
- 2 كوب ونص ارز
- كوب عدس اصفر
- جمبري مخلي صغير
- بصلة مبشورة ناعم
- ثوم مفروم ناعم
- مكعبات فلفل اخضر
- ملح ، فلفل ، كمون ، بودرة ثوم ، بودرة بصل ، كركم
طريقة التحضير
- في حلة احط زبدة وزيت وانزل بالبصلة وافضل اقلب فيها لحد ما تدبل شوية وبعدين انزل بالثوم واديلهم تقليبه تاني وبعدين الفلفل الاخضر واديهم تقليبه تالت ،،،
- بعدين انزل بالجمبري و البهارات : فلفل ، كمون ، بودرة ثوم ، بودرة بصل ، كركم عشان يديله لون اصفر وافضل اقلب فيهولحد ما لونه يتغير ويبدأ يستوي
- بعدين انزل بالارز والعدس الاصفر وحوالي ٣ كوب مايه الا ربع كدة (ان شاء الله هيطلع معاكي مفلفل😉) والملح
- بس واسيبه علي النار لحد ما يشرب مايته واوطي النار واحط تحتيه شياطه لحد تمام السوي
- انا قدمت معاه باذنجان مقلي وفلفل مقلي وحطيت عليهم (ملح ، فلفل ، كمون ، ليمون) وسلطة وسمك مشوي وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد