→ كل الوصفات

كشري الحلة الواحدة تحفة

طريقة عمل كشري الحلة الواحدة تحفة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كوب من الشعيرية
  • ½ كوب رز مصري
  • ½ كوب معكرونة صغيرة
  • ½ كوب معكرونة سباجيتي
  • حمص حسب الرغبة
  • 2 حبات بصل ابيض كبار
  • كوب زيت
  • بصلاية صغيرة
  • فصين ثوم
  • عصير طماطم
  • كزبرة ناشفة
  • ملح وفلفل اسود حسب الرغبة
  • كمون
  • ½ كوب خل
  • ½ كوب ماء
  • فصين ثوم مهروسين
  • ½ ليمونة
  1. نبدأ بسم الله. هنأخذ البصلتين الكبار نقطعم ونقلبهم كدا في نشا ودقيق بعد كدا في حلة على النار هنحط كوب الزيت وهننزل فيها البصلتين بتوع وجه الكشري المقرمش دا لحد ما يقرمش معانا ويبقى تمام هنطلعه من الزيت ونسيبه على جنب يقرمش مع نفسه 😂⁦❤️⁩
  2. بعد كدا في باقي الزيت هنحط الشعيرية اول م تبقى ذهبي ننزل بالرز ونديله تقليبه وبعدين ننزل بالعدس وتقليبه وبعدين ننزل بالمعكرونة الصغيره وتقلبيه ونحط نص ملعقة كزبرة ناشفة وملح ونقلب ونغطيه ونسيبه على نار متوسطة لحد م يشرب الماء وبعدين نخفف ونسيبه يستوي
  3. نجي بقى للصلصه بتاعتنا، معلقتين زيت عليهم بصلةصغيرة مبشورة اول ما تذبل ننزل بفص الثوم المهروس وتقليبه كدا وننزل عليه بعصير الطماطم... ونحط البهارات بتاعتنا (ملح حسب الرغبة..الكزبرة الناشفه.. الكمون.. الفلفل الاسود) ونسيبها بقى تتسبك ونطفي واحلي صلصة
  4. نجي بقى الدقه القمر بتاعتنا فصين ثوم مهروسين.. عليهم نص كباية الخل.. ونص كباية الماء وعليهم نص ملعقة كزبرة ناشفة ونص ملعقة كمون ونديهم غلوة واحدة على النار ونطفي ونعصر نص اللمونه.. وبالهنا والشفااااا احلى دقة
  5. بالنسبة بقى للحمص اعملي كمية على حسب رغبتك هتبقي نقعاه من قبلها بساعتين مثلا ولو مش نقعاه مش مشكله بس هياخد وقت في السوا هنجيب حلة صغيرة نحط ماء وبصلاية صغيرة وطمطماية وفص ثوم ونص ملعقة كزبرة وكمون ونحط الحمص بتاعنا والملح ااااخر حاجه بعد م يستوي وبس كدا
  6. والشطه بقى المشطشطه بتاعت المطعم بالظبط ملعقة زيت كبيرة.. عليها نص ملعقة كبيرة شطه وقلبيهم على النار بس اوعي تتحرق منك خلي باااالك اول م تعمل فقافيق كدا طفي النار😂😂 لو تقلت منك اوي ممكن تزودي نص ملعقة ماء
  7. وبس كدا بالف هنا وشفا احلى كشري احلى من ألف مطعم 🥰⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →